Barbie nataypan ni Vice

CEBU, Philippines — Giangkon ni Vice Ganda nga nakauyon siya kang  Barbie Forteza ug bagay  kini nga mahimong kabahin  sa noontime show nga It's Showtime .

"Bagay si Barbie sa Showtime," tweet pa ni Vice.   Kahinumdoman nga nataypan sa netizens ang estilo ni Barbie  sa pagsinggit  og  "What's up, Madlang People!" atol sa paglugwa niini sa maong noontime show niadtong Sabado.

Pagkahuman sa show,  nag-tweet dayon si Vice og  ,"I love her vibe!".

Sana ol

Gidoble ni John Lloyd Cruz ang sustento para sa iyang anak nga si Elias. Kini maoy gibutyag ni Ellen Adarna sa usa niya ka Q&A session sa Instagram niadtong Biyernes. Suma ni Ellen nga gihatagan niya og breakdown si John Lloyd sa mga gastuhan nga mokabat ngadto sa P10k kada bulan sanglit wala paman kini mag-eskuyla. Gumikan niini, gidoble kini sa aktor. Matud ni Ellen, buot pa gyud mohatag si Loydie og sobra pa, apan dili na siya modawat niini sanglit co-parenting man sila, hinungdan nga motampo sab siya og iyaha.

Basta kay happy

Walay label ang unsa man gani ang estado sa relasyon karon nila ni Jake Cuenca ug Chie Filomeno. Basta kay suma pa sa usa sa mga kontrabida sa ABS-CBN series Iron Heart,malipayon siya karon tungod ni Chie. Dili matud pa siya magdadali kay naleksyon na siya sa iyang kanhi mga relasyon. Basta kay malipayon sila, ug mao kini importante. March niining tuiga sila gidungog nga nagsugod og date.

Matiguwang man gyud

Dili mahadlok si Marian Rivera nga matiguwang. Kinahanglan lang niya pa nga maanindot ang proseso sa pag-edad. "Kasi, Lahat tayo dadating diyan. Lahat tayo tatanda. Yun nga lang, paano ka tatanda na mas maayos, mas maganda, di ba? For me, okey ako doon. In-embrace ko yung ganung pagkakataon."

Dili na pun-an

Wala nay plano ang magtiayong Drew Arellano ug Iya Villania nga himuong lima ang ilang mga anak. Gani, sa paglugwa nila sa Fast Talk With Boy Abunda niadtong June 29, gibutyag ni Drew mga magpailawom na siya og vasectomy procedure puhon. Dihang giklaro ni Abunda kun nag-joke raba siya, niingon si Drew nga mao gyuy iyang plano. January 31, 2014 nagpakasal si Drew ug Iya. Upat na ang ilang mga liwat.