Derek tunay na anak na ang turing kay Elias, John Lloyd ‘di nagpahuli

Ang daming na-touch sa birthday message ni Derek Ramsay sa anak ng misis niyang si Ellen Adarna na ang ama ay si John Lloyd.

Itinuring na ng actor na tunay na anak si Elias.

Kaya sa ipinost nito ay may marami ang pumuso at napa-OMG. “I’m super proud to be your Papa D! Happy birthday my little babing. Love you son.”  caption ni Derek sa picture nila.

Five years old na si Elias na hindi agad noon nilantad nina Ellen at John Lloyd.

Nabibilisan naman si Ellen sa panahon. “5 years today my baby boy  thank you for giving my life purpose and meaning? For teaching me patience, empathy and unconditional love. See you in a bit!  Mama loves you forever and ever and ever #timefliessofast”

Si John Lloyd ay ipinagdiwang din ang birthday ng anak kasama ang sinasabing girlfriend nitong si Isabel Santos.

Kasama ng isang post ng larawan ang Sonic the Hedgehog-themed birthday cake at picture nilang tatlo na parang butas ng ilong ni John Lloyd ang kitang-kita, kasama si Isabel na nakayakap kay Elias.

Mababasa sa caption na: “Happy Birthday Anak.”

Suwerte ang bagets, dalawa ang kanyang pamilya.