Kili-kili ni Heart, pinag-awayan!

Wala na lang sigurong ma-bash kay Heart Evangelista, kaya pati ang kili-kili nito napagdiskitahan. May pinost na photo si Heart sa Instagram na may shadow ang parte ng kanyang kili-kili, kaya akala ng basher, maitim ang kili-kili ni Heart at talagang tinanong ito kung bakit maitim daw ang underarm?

Pero, bago pa siya masagot ni Heart at pag-aksayahan ng panahon, ang followers na nito ang sumagot sa basher. Shadow sa light ng camera ang nakita niya at inakalang maitim ang kili-kili ni Heart.

Sana raw tsinek ng basher ang ibang photos ni Heart na naka-sleeveless at ‘yung nakataas ang braso niya para makitang maputi ang kili-kili nito. Tama ang comment ng isa nitong follower na sa yaman ni Heart at very clean sa katawan, hindi ito papayag at hindi pababayaan na maitim ang kanyang kili-kili.

Ayun, para hindi na maging venue nang pag-aaway ng bashers at ng kanyang supporters ang walang katuturang bagay, dinelete ni Heart ang nasabing post. Hindi na makita.

Kasama pala ni Heart ang asawang si Sen. Chiz Escudero sa Fashion Week sa Paris at ito ang kumukuha ng photos at video ni Heart. Mahusay kumuha ng video at photos si Senador, kaya napupuri siya ng followers ni Heart.

Allan, ayaw na uling pagkamalang spy

Sina Joey de Leon at Vic Sotto, sumilip sa Eat Bulaga ng Jalosjos camp, pero si Allan K, nanood at may comment siya sa napanood sa interview sa kanya ni Julius Babao.

Ang feeling ni Allan, wala sa loob ng mga host ng dating Eat Bulaga tuwing binabanggit ang title ng noontime show at pati ang pagsasabi ng ‘Dabarkads.’

“Nararamdaman ko ‘yung cringe ng mga taong naiwanan din. Sila mismo na magsasabing mga Dabarkads saka ‘yung ‘Eat Bulaga’ parang feeling ko hindi rin kaya ng loob nila. Wala silang magagawa trabaho ‘yun. Araw-araw silang naliligo ng bashings,” sabi ni Allan.

Sa mediacon ng TVJ at Dabarkads, naikuwento ni Allan na siya ang napaghinalaang espiya sa Dabarkads dahil lang sa hindi siya agad nakapirma sa courtesy letter ng Dabarkads. Nawala ang pagdududa sa kanya nang pumirma na siya sa courtesy letter.

Dapat may show sa Dubai sa June 30 si Allan, pero hindi na siya matutuloy dahil July 1, ang simula ng Eat Bulaga ng TVJ. Baka raw paghinalaan na naman siyang spy, kaya isinoli niya ang natanggap na down payment.

Bea, gustong bumalik sa ABS?!

Kung anu-ano agad ang ispekulasyon ng tao nang makita ang photo ni Bea Alonzo kasama ang mga bossing ng ABS-CBN na sina Cory Vidanes at Deo Endrinal. Walang caption ang larawan nilang apat (may kasama pang isa), kaya ang fans na ang nag-speculate na baka may nilulutong project ang Dreamscape Entertainment kay Bea.

Nagkita-kita ang tatlo sa first birthday party ng anak ni Dimples Romana na si Elio Juan Manolo at excited na magkita-kita uli after a long time. Ang caption nga ni Deo ay “Great to see you after three years @beaalonzo.”

Aliw lang basahin ang mga comment na kung may natutuwa sakaling bumalik sa ABS-CBN si Bea, may mga ayaw na siyang maging Kapamilya uli. Marami raw Kapamilya stars ang mas dapat bigyan ng project kesa kay Bea.