Marian, iniyakan ang gagawin nila ni Dingdong!

Nakatakdang magbida sa pelikulang Rewind sina Marian Rivera at Dingdong Dantes.

Nagsanib-pwersa ang Star Cinema, APT Entertainment at Agosto Dos Media upang gawin ang bagong proyekto ng mag-asawa.

Sobrang excited ni Marian dahil ito ang kauna-unahang pagkakataon na makagagawa ng pelikula sa Star Cinema. “Sobrang excited ako at the same time, si Direk (Mae Cruz-Alviar). Kasi si Dong ang daming kwento tungkol sa kanya. So sabi ko kay Dong, ‘Sana balang araw ma-direct din niya ako.’ Punung-puno ng pangarap ‘yung mga kwento ni Dong sa akin every time may Star Cinema siya. So sabi ko, sana balang araw,” kwento ni Marian.

Hindi nagdalawang-isip ang Kapuso actress na tanggapin ang bagong proyekto dahil talagang maganda ang istorya ng pelikula. “Bawat paglipat ko ng pahina sa script, walang tapon sa script. Walang dahilan para hindi ko ito gawin. Especially kasama ko si Dong. Kasi alam niya, every time nagkaka-partner kaming dalawa, meron kaming moment na mas tumitibay kami. ‘Ah, may gano’n pala siya.’ So may bago akong nadi-discover sa kanya. Lalo akong nai-in love. May gano’ng moment. So sabi ko kay Direk, gagawin ko iyan kahit mahirapan ako sa schedule,” pagbabahagi niya.

May pagkakataon pa raw na nahuli ng ina si Marian na umiiyak habang binabasa ang script ng gagawing pelikula.

Napagkamalan pa umanong may problemang hinaharap ang aktres ng kanyang ina. “Dumating ‘yung mama ko sa bahay. Pinapatulog ko ‘yung anak ko. No’ng nakatulog na, si Mama nakahiga sa sofa namin. Habang nakahiga siya, hindi niya alam binabasa ko ‘yung script. So habang binabasa ko, humihikbi ako. Kasi talagang tatamaan ka, mamu-move ka talaga sa mga linya at sa mga nangyayari kahit lalaking character ‘yung nagsasalita. What if ako ito? What if si Dong talaga ‘yon? So umiiyak ako, nagising ‘yung nanay ko. ‘Anak, may problema ka ba? Magsabi ka sa akin.’ Sabi ko, ‘Ma, nagbabasa lang ako ng script.’ Tawa siya nang tawa. Sabi niya, ‘Para mapaiyak ka ng script, sobrang ganda naman niyan.’ Sabi ko, ‘Ma, mape-preempt, huwag mo basahin, manood ka,” nakangiting paglalahad ng aktres.

Piolo, matutupad na ang pangarap nung kolehiyo

Noong nasa kolehiyo pa lamang ay pinangarap umano ni Piolo Pascual na maging isang pari.

Para sa aktor ay mas magiging madali ang buhay kung sakaling mangyari ito. “I remember having this conversation with a priest and I told him, ‘Gusto ko na lang magpari sana para mas madali ang buhay.’ Then he said, ‘You have to be a college graduate.’ And then when I became a Christian, I told my pastor the same thing. ‘Pwede mag-pastor na lang ako para mas madali ang buhay?’ Sabi niya, ‘No, we need people like you in the business.’ So I had my two attempts to enter priesthood or to become a pastor but it never happened. So I’m an artista,” pahayag ni Piolo.

Hindi man natupad ang pangarap na maging pari ay magbibida naman ngayon ang aktor bilang si Fr. Juan Severino Mallari sa pelikulang Mallari.

Si Fr. Mallari ang sinasabing kauna-unahang pari na naitalang serial killer sa Pilipinas noon.

Ayon kay Piolo ay talagang maipagmamalaki niya sa mga manonood ang naturang thriller film. “We want to be able to have a voice to represent our culture and I’m privileged to have that voice especially for Mallari. Because this is an interesting film. So with all the thriller films, docu films from other countries, I’m proud to say that finally we have something that’s actually documented. That’s actually a true story. Though we’re fictionalizing it, we’re happy because of the production value and having that cinematic experience hopefully we can champion it into a bigger audience abroad. Philippine cinema, in as much as it’s struggling, we still can do films that are quality and that we can showcase to a bigger audience, a global audience,” paliwanag ng aktor.

(Reports from JCC)