“Patay-gutom pa rin ako...”

CEBU, Philippines — Giangkon ni Herlene Nicole Budol o Hipon Girl nga maglisud gyud siya kun magsag-ulo na og script, hinungdan man gani nga mo-absent siya kaniadto sa klase basta memorization na.

Apan karon nga artista na siya ug bida pa gyud sa iyang unang teleserye sa GMA7 nga mao ang “Magandang Dilag” wala gyud siyay choice kundili maningkamot na lang nga makamemorize gyud sa iyang mga linya.

Pero may pamaagi hinuon siya aron makasag-ulo siya: Iyang isuwat ang iyang mga linya lakip na ang linya pud sa iyang co-stars.

"Ang unang ginawa ko, lahat ng lines, tapos isusulat ko one by one. Pati po mga lines po ng mga kaeksena ko, isinusulat ko po. Ewan ko bakit ganun po ako magkabisado. Hindi ko po siya kayang basahin lang siya nang ganyan pa. Siguro po, Level 2 pa lang ang brain cells ko. So, we’re going to Level 10 soon," hirit niya.

Dugang pa sa gi-bash karon nga kandidata sa Miss Grand Philippines, "Yun po ang adjustment ko, isusulat. Matutulog, tapos kakabisaduhin. Napapanaginipan ko na nga ho."

Suma ni Herlene ganahan gyud siya sa duha ka mga kalibutan nga iyang nahimutangan karon nga mao ang showbiz ug beauty pageant, hinungdan nga naningkamot siya nga mahimo niya ang tanan nga gipaabot gikan niya.

Komedyana gyud si Herlene, hangtud nga nadiscover siya sa iyang manager karon nga si Wilbert Tolentino ug maoy nisuporta niya sa Bb. Pilipinas 2022 diin nahimo siyang first runner-up ug nihakot og daghang special awards.

Pero dihang gipangayuan og grado para sa iyang kaugalingon isip artista ug beauty, wala naghinambogera si Herlene.

"Siguro nasa five pa lang ako kasi patay-gutom pa rin ako na mag-learn ba ng mga knowledge. Kasi, still learning pa rin ako every day. Kahit alam ko ang isang bagay, pag-aaralan ko pa po," niya pa.

Sa June 26 na mulugwa sa GMA Afternoon Prime ang Magandang Dilag. Leading men ni Herlene dinhi sila si Benjamin Alvez ug Rob Gomez.

Pang model pud

Pwede sab diay pang swimwear model ang pambato sa F2 Logistics sa Philippine Volleyball League nga si Kim Kianna Dy. Nahugyaw ang followers ni Kianna niining mga hulagway nga iyang gi-upload kay sexy matud pa ang sikat nga volleyball player.

Courtesy of IG account: kiannady

Gihandum ni Marian, matuman na

Mahinayon na gyud ang pelikula nga pagabituonan sa magtiayong Dingdong Dantes ug Marian Rivera ubos sa Star Cinema.

Tsika sa director niini nga si Mae Alviar sa presscon niadtong Miyerkules, 2020 pa gitanyag ang maong pelikula ngadto sa Dongyan apan gumikan sa pandemic nagtuo sila nga dili na mahinayon.

Hinungdan nga dako nilang kalipay nga himuon na gyud nila.

Family- drama ang maong pelikula nga mag-ulohan og “Rewind.” Ang tsika, isalmot kini sa 2024 Metro Manila Film Festival.

Samtang si Marian nipadayag nga dugay na niyang gihandum nga makagama og pelikula ubos sa Star Cinema gumikan kay nahugyaw siya sa mga tsika sa iyang bana nga si Dingdong.

Kahinumduman nga kaduha na nahimong best actor si Dingdong pinaagi sa iyang Star Cinema movies.

 “Sobrang excited ako maka-work ang Star Cinema at the same time, si Direk Mae. Gumawa ako ng movie parang 10 years ago pa with Kung Fu Divas, si Dong ang daming kuwento about Star Cinema.

As in lahat ng ginagawa niyang pelikula sinasabi niya lahat sa akin, kung ano yung experience niya, sino yung direktor niya,” ni Marian pa.

"Parang ako, sabi ko, 'Wow, sana balang-araw mapakiramdaman ko rin yung pakiramdam nung mga kinukuwento mo sa akin.' And then, finally, mararamdaman ko na yan."

Reunion movie kini sa magtiayon human sa 13 years. Gawas sa Star Cinema, producers sab niini ang APT Entertainment, ug AgostoDos Pictures.