Ang pagbaid sa mga nagpahipi nga mga talento sa katawhan maoy nag-unang tumong sa programa nga giumol sa Modelo Sugbo.
Nisulod sa maong grupo ang pipila ka mga indibidwal nga nipaubos og workshop sa modelling, pagsayaw, public speaking ug uban pa.
Suma pa sa manager sa Modelo Sugbo nga si Carla Meye Suson nga tumong sa ilang grupo nga mopalig-on sa mga abilidad sa katawhan ug dili gyud ikaulaw niini ang ilang tinagoan nga mga talento. Ang dagan sa nagkadaiya nga mga workshop kay makita sa CCTN-47 matag Sabado, alas 3:30 hangtod sa alas 4:30 sa hapon sugod karong Hunyo 24, 2023, ug duna kini replay matag Lunes, 1-2pm. Kauban ni Suson sa pagdumala sa maong show sila si Star Lormil Cabrera De Gracia (acting director), Em Daculan (assistant director, Grace Nunez Comeros( dancing coach) ug Florante Bregente (modelling coach).
Duna pud sila'y giimbitar nga mga designers alang sa nagkadaiya nila nga mga kalihokan.
Gawas sa nakalinya nga mga fashion show, ang mga tinun-an sa workshop kay gikatakda usab nga molugwa sa mga short film kauban ang mga bangiitan nga local artists.
Wala pa gani nahuman ang Batch 1 sa maong workshop, adunay dugang mga tinun-an ang nagpaabot alang sa Batch 2 sa Modelo Sugbo.