Gardo, inakalang mamamatay na!

Inakala pala ni Gardo Versoza na katapusan na ng buhay niya noong atakehin siya sa puso.

Inamin niya ito sa interview niya kay Boy Abunda na inakala niyang mamamatay na siya noong sumailalim siya sa angioplasty.

“Kasi siguro dahil doon sa heart, parang umabot ako doon sa point na parang (I’m) about to leave this world may ganoong feeling siya,” sey ng aktor.

Hindi rin niya akalain na magiging kalmado siya noong mag-agaw buhay siya.

“Ang positive thing about it is that ganoon pala ‘yung feeling, akala ko noong una nakakanerbiyos, pero come to think of it parang ibibigay mo na lahat kay Lord e, surrender,” pahayag niya.

Pinagdasal din daw niya ang kanyang mag-ina niya habang ginagawa ang procedure niya.

Hindi pala biro ang nangyari sa kanya kaya nakaramdam siya ng pag-alala kung sakaling may mangyari sa kanyang hindi maganda noon.

“Pinagdasal ko na, ‘If ever po na this is my time, kayo na po ang bahala sa mag-ina KO.’ Wala naka-relax lang [ako] habang ginagawa ‘yung procedure,” dagdag pa niya.

Naghahanda na raw siya ngayon sa kanyang ikalawang pagsailalim sa angioplasty procedure na hindi isinabay noon dahil sa nangyari sa kanyang heart attack.

Siguradong marami ang magdadasal para kay Gardo.

Pagaling ka, Gardo, isa ka sa pinakamahusay na aktor.