Wow, pakpak for Bernadette!

CEBU, Philippines — Nakapalit og luxury car nga Lexus UX 250h Premier, kantidad og PHP3.058 million ang reporter nga si Bernadette Reyes.

Gi-cash gyud niya kini.

"Kaya ko kinash para maka-save. Alam niyo po kung installment ko binili yung Lexus payable in 12 months ha, 7% na interest na yun agad o PHP214,000 na interest in 1 year lang ha.

"So kung 5 years kong babayaran ng Lexus, imagine ha, tumataginting na 1 million piso sa interest pa lang yun ha."

Gumikan niini, nasayud na siya nga aduna gyuy mo-question diin siyag kwarta, hinungdan nga sa usa ka video clip iya na kining gitubag daan.

Suma niya, sakto ra iyang sweldo isip reporter sa GMA-7. Makaluag-luag ra siya og gamay.  Pero, dili kay ang iyang sweldo ra maoy iyang gisaligan, mamaligya sab siya og luxury items.

"Nagbibenta ako ng mga luxury items gaya ng LV, Prada, Gucci na mga bag, pero ang gamit ko, corporate bag. Regalo to sa akin ng kumpanya noong birthday ko."

"Nagbibenta rin ako ng mga sapatos gaya ng Valentino, Manolo Blahnik, Golden Goose, pero ang everyday shoes ko, 5 years ko nang ginagamit."

Namaligya sab siya og helmet ug auto care products ug nag-invest sab siya sa stock market.

Dili sab siya tigkaon sa mahalon nga restaurants gawas lang kun importante ang okasyon. Sa carenderia ra gyud siya magkan-anan.

"Naniniwala akong hindi kailangan ng sobrang laking sweldo para makaipon. Nasa diskarte, pagtitipid, at paggastos sa tamang mga bagay," niya pa.

Dream car gyud niya ang maong sakyanan. Ug karon, dream house na sab iyang target.

Giasoy niya nga taod-taod sab gyud siya nga nagtigom. Niya pa, Grade 6 na siya dihang unang nakasakay og car. Wala matud pa siyay pamilite sa eskuylahan sauna ug nagdaginot gyud sa pagkaon.

Napungot kay napildi sa Miss Gay!

Nisaka sa entablado ang usa ka bana ug gipuspos ang korona, human nga ang iyang partner wala nidaog sa Miss Gay Mato Grosso niadtong March 27, didto sa Brazil.

Ang balita sa local media outlet Globo, nagkanayon nga napungot ang nahisgutan dihang gipahibawo nga ang nidaog mao si Miss Várzea Grande Emannuelly Belini ug dili ang iyang partner nga si Miss Cuiabá Nathally Becker.

Hugtanong gikondena sa organizer sa maong pageant ang nahitabo ug namahayag nga ireklamo nila ngadto sa kapolisan ang nahitabo aron pabayron ang responsabli sa kadaot nga namugna niini.

Lingaw sa Tuburan

"So much FUN in Tuburan." Ang caption ni Miss Earth 2023 Yllana Aduana niining hulagway nga kuha ni Miss Earth Eco Tourism Athena Auxillio ug gi-upload niya sa Instagram. Ang Miss Earth queens nitekang sa maong lungsod sa nilabay nga semana alang sa opening sa Tuburan 360, ang labing bag-ong tourist attraction sa dapit.

Day off ra

“We’re not signing off… we are just taking a day off!” Kana maoy post ni Joey de Leon, pipila ka oras human sila nanamilit sa Eat Bulaga pinaagi sa unofficial youtube channel niadtong Miyerkules. Nisamot ka kusog ang tsika sa Banat News Hugyaw kagahapon nga sa TV5 mopaingon ang TVJ o sila si Tito, Vic, ug Joey, kauban ang mga co-hosts nila sa Eat Bulaga. Gani, nakapirma na matud pa og kontrata ang TVJ, niadto pang May 29. Ug sa ilang pagbalik telebisyon, hayan "Dabarkads" na ang title sa ilang show samtang lalisan pa kinsay tag-iya sa trademark nga Eat Bulaga.

Laplapan uy!

Viral ang screenshot sa kissing scene nila ni Joshua Garcia ug Jodi Sta. Maria sa episode 2 sa bag-ong teleserye nga Unbreak My Heart nga nilugwa na sa GMA7 primetime. Caption sa FB page Team Kapamilya: "Nakapunta na si Dr. Jill sa exciting part." Ang Dr. Jill mao ang karakter ni Jodi sa toprating series sa ABS-CBN sa nilabay nga tuig, The Broken Marriage Vow. Samtang ang Unbreak My Heart collaboration sa GMA7, ABS-CBN ug streaming app Viu. Lakip sab sa bida niini sila si Richard Yap ug Gabbi Garcia.

Milagro ni Padre Pio

Gipamatud-an ni Kim Chiu ang ka milagroso ni St. Padre Pio. Sa iyang pakigtsika sa press sa iyang bag-ong endorsement, gitug-an niya nga nagpatabang siya sa maong santos pag-ampo aron masalbar ang iyang ate Lakam kinsa nalandig sa tambalanan sa nilabay nga bulan. Pagtuo niya pa nga mawala na iyang ate. "Totoo talagang Padre Pio, isa talaga siyang miracle. Another miracle sa buhay ko na nangyari talaga. Ah yun! Hindi ko na talaga alam gagawin ko. Akala ko, wala na ganun. Natakot talaga ako.” Ni Kim pa, niadtong mga panahona sa Chapel ni Padre Pio sa Libis, Quezon City gyud siya nagpermanente. “Wala! Blangko! Nagkasakit pa ako. Hindi ko na alam kung ano na nangyari. Ang baba-baba na ng energy ko. Hindi ko na alam kung saan ako kukuha ng lakas."