Willie Revillame, consistent ang pagiging reklamador

Nakakatawa naman iyon issue ng hindi pagkatuloy ni Willie Revillame sa kanyang concert tour daw sa Amerika.

Diumano dahil daw sa laki ng komisyon na kuku­nin ng Viva kaya umatras si Revillame.

Kakaloka na para naman dahil lang dun aatras ka na eh balita na marami kang pera at dapat barya na lang ang tingin mo sa talent fee mo.

Malaking kumpanya ang Viva, alam nito ang dapat at hindi pagdating sa usapan ng ta­lent fee. Matagal na silang nagdadala ng celebrities sa abroad. Malaki ang nagagastos nila sa promotion para maging successful ang mga concert na ginagawa nila dun.

Ngayon lang nagkaruon ng isang star na nagreklamo tungkol sa komisyon.

Katawa talaga si Revillame. Lahat ng bagay meron siyang reklamo.

Kaya ang tawag ng ilan sa kanya Willie Reklamo. Dahil konting bagay meron siyang nakikita.

Imagine, baka itong concert na ito pa sana ang makatulong para mabalik ang nawawala na niyang ningning na career, bulilyaso pa.

Hindi kawalan sa Viva ang pag-atras niya. Ang daming artists ng Viva ang mas sikat pa kesa kay Revillame noh, mas bongga at baka mas kumita pa ang concert .

Kaloka siya.

Asan ang mga sinasabi niyang kayamanan kung ayaw niyang magbigay ng commission.