Mahigit dalawang taon nang magkasintahan sina RK Bagatsing at Jane Oineza.
Kahit matagal nang magkarelasyon ay mayroon pa rin daw insecurities na nararamdaman ang aktor. “Of course, you always want to please your partner, ‘di ba? And not most of the time alam mo na ito bang ginagawa ko eh kumokonekta sa kanya o nagpapasaya sa kanya. So may mga days na you would want to be in your toes, keeps you on your toes na I have to be better. I have to be better in this aspect. So parang sinasabi ko minsan na insecurity ko na maybe I am not enough sometimes. Kaya I need to be better. I need to catch up. ‘Yun ‘yung insecurity, ‘yon ang takot ko, ‘Enough ba ako?’ ‘Yon ‘yung insecurity ko na kailangan kong patunayan na I am always the right guy,” makahulugang paliwanag ni RK.
“Kung may gano’n siya, ako naman ‘yung I tell him everyday na you are enough or I am happy I am with you. You make me feel loved. Nakakatuwa na pareho kaming busy. ‘Yung mga araw na hindi natin nase-celebrate, ang promise ko ay babawi ako all the time,” reaksyon ni Jane sa naging pahayag ni RK.
Samantala, masayang-masaya ang aktres dahil sa kauna-unahang pagkakataon ay makapagbibida na sa seryeng Nag-aapoy na Damdamin kasama sina JC de Vera, Ria Atayde at Tony Labrusca. Matatandaang nagsimula si Jane bilang isang child actress. Mula noon ay pinangarap umanong makapagbida ng dalaga lalo pa’t mahigit dalawang dekada na ring aktibo sa industriya. “I feel like I’m dreaming but also I’m really super excited to work on this, to work with everyone. Gusto ko lang bigyan ng justice at patunayan na deserve ko ‘yung opportunity na ito. I’m thankful sa mga opportunity before when I was a kid, ‘yung ‘Goin Bulilit. But I’ve been waiting for this and now it’s finally here,” nakangiting pahayag ni Jane.
Mayroong mensahe si RK sa kasintahan para sa tagumpay na tinatamasa nito ngayon. “Ang maipapangako ko sa iyo ay lagi lang akong nasa tabi mo supporting you. Maraming sumusuporta sa iyo. You have so many fans na sobrang happy sa tinatahak ng career mo, but don’t get twisted. Nasa likod lang din ako shouting parang every cheer for you. Kasi matagal mong hinintay ‘yan, matagal mong ipinagdasal. So I am always rooting for you and loving you no matter what,” paglalahad ng aktor.
Heaven, nagsalita sa totoong relasyon nila ni Marco
Nagsimula ang tambalan nina Marco Gallo at Heaven Peralejo sa The Rain in España na mapapanood sa Viva One.
Ngayon ay unti-unti nang nakikilala ang tambalang MarVen ng dalawa. “A love team is not a hindrance. It’s a door, a beautiful door. The fans saw that me and Marco had this perfect chemistry. Our chemistry just comes out naturally. We bring out the best in each other. We gained this trust and respect for each other. That was a good foundation for a better friendship,” bungad ni Heaven.
Unang nagkasama sina Marco at Heaven bilang housemates ng Pinoy Big Brother Lucky Season 7 edition noong 2016. Kahit tinangkilik ng mga manonood ay hindi pa rin nakaligtas sa bashers ang MarVen. “I really got sad when I first read the comments. Sanay naman ako sa negative feedback towards me or towards everything about my life. Alam ko naman na when I did my best, I will be proud of the outcome. I also know that when everyone did their best, the audience will love it. Eventually, I’m just happy and so glad the public received The Rain in España very well. The public saw us as the characters we were playing and not Heaven and Marco,” pagbabahagi ng aktres. (Reports from JCC)