JC, gusto ulit mang-istorbo ng tao

Muling sasabak sa paggawa ng stage play si JC Santos. Talagang aktibo ang aktor sa teatro noon bago pa pumasok sa show business labinglimang taon na ang nakalilipas.

Magbibida si JC sa Red na mapapanood simula June 9 hanggang 18 sa PETA Theater. “I miss having the whole two-hander play. It exhilarating and challenging. Nami-miss ko ‘yung pinapaisip ko ulit ‘yung audience. Gusto ko ulit mang-disturb ng tao. Tara, nood tayo ulit. Layo muna tayo sa swipe, swipe, nood tayo nang live. And let’s appreciate artwork again in general,” bungad ni JC.

Bukod sa pagiging pangunahing bida sa naturang stage play ay isa rin si JC sa mga producer nito.

Katrabaho ni JC bilang aktor at producer din si Bart Guingona na kanyang nakasama rin sa teleseryeng Dirty Linen. “Yes, this is my first time to produce. Umabot na ako sa point na I should be doing my own thing na. And I need to learn the whole side of the production na. Kasi lagi akong artista, ‘di ba? So never ko nalalaman the whole budgeting and planning side of it. And I’m actually loving it na kasama ako sa work na ‘yon na lagi kong naririnig. They hear my input and everything. So nasa-shock pa rin ako kasi mahirap siya pero I’m learning. Feeling ko, makakapag-produce na ako siguro after a few productions pa, ‘yung talagang solo ko na,” pagbabahagi niya.

Samantala, isang bagong pelikula ang muling pagtatambalan ng aktor at ni Bela Padilla. Matatandaang nakapagbida na ang dalawa sa 100 Tula Para Kay Stella, On Vodka, Beer and Regrets at The Day After Valentine’s. “Meron na naman kami. It’s a romantic comedy. Iba naman, pero of course may drama pa din do’n. Hindi na mawawala sa aming dalawa ‘yon. Lagi kaming malungkutin eh,” pagtatapos ng aktor.

Alfred, ramdam ang magic ni ate guy

Sa kauna-unahang pagkakataon ay nagkatrabaho sina Nora Aunor at Alfred Vargas para sa pelikulang Pieta. Talagang ikinagulat ng aktor nang mabalitaan ang tungkol sa bagong proyekto. “When Direk Adolf (Alix) and I met last year, he presented to me this concept of a mother and son. The story in itself is very, very powerful and interesting. I said, ‘Let’s try it.’ When he told me he was planning to cast superstar Nora Aunor as a mother, nagulat ako. I thought it was impossible. Ate Guy was not accepting projects at that time,”  kwento ni Alfred.

Isang malaking karangalan para sa aktor na makatrabaho ang nag-iisang Superstar. “With the help of Direk Adolf, I wento to Ate Guy’s house at umakyat ako ng ligaw. In short, I was very honored at napabalik ko si Ate Guy to work again in front of the cameras. I felt that Ate Guy also trusted me and it was my first time to work with her. The other National Artist I worked with was Ricky Lee as a writer. But when Ate Guy gave her nod, then kasama pa sa cast si Gina Alajar and Jaclyn Jose. Those names were several items in my acting bucket list. All checks, I just gave it my all when Ate Guy and I started working,” paglalahad ng aktor.

Aminado si Alfred na talagang napahanga siya dahil sa pagiging magaling na aktres ni Ate Guy.

Kakaibang karanasan para sa aktor na makaeksena ang Superstar. “Doon ko lang na-experience ang sinasabi nilang Nora Aunor magic. Iba siya talaga, she may be the Superstar and National Artist but when we’re together on-cam and even off-cam, she never made me feel that I’m a smaller actor. She just made me feel comfortable all throughout. After filming, mahal na mahal ko na talaga si Ate Guy. When you are together in one scene, you are in front of each other, you can feel her 100% but when you watch the preview, napaganda pa niya ang scene on her own. Parang naging 200%. Ang galing niya while you’re working together, but when you see the preview, it was a lot better. She is a master of it. That was the Nora magic,” pagdedetalye ni Alfred. (Reports from JCC)