CEBU, Philippines — Molingaw sa mga Sugbuanon karong adlawa, Abril 15, 2023, ang pipila ka mga bitoon sa GMA Public Affairs’ hit romantic drama series nga ‘The Write One’ .
Ang Sparkle artists nga sila si Paul Salas ug Mikee Quintos, kauban si Analyn Barro, kay molugwa sa Kapuso Mall Show sa Ayala Malls Central Bloc karong alas 5 sa hapon.
Sa dili pa mahitabo ang Kapuso Mall Show, pagahimoon ang pagpangita sa sunod nga Kapuso big star pinaagi sa nagpadayon nga Sparkle Caravan. Hatagan og tsansa ang aspiring Kapuso artists nga ipakita ang ilang talento sa pagkanta . Ang Sparkle Caravan Singing Audition kay mosikad ghapon karong adlawa sa susama nga venue , gikan sa alas 10 buntag hangtod sa alas 5 sa hapon. Bukas ang audition alang sa solo singers, singing duos, choir groups, acapella groups, ug mga banda.
“We are very much delighted to bring the stars of the primetime series “The Write One” to Cebu City as it is our way of continuously building rapport and expressing gratitude for the continuous support of our Kapusong Cebuanos. Through the regional arm of GMA Network, GMA Regional TV, fans can expect more surprises from our Kapuso stars as they visit different provinces and cities throughout the year,” saysay pa ni First Vice President ug Head sa GMA Regional TV and Synergy, ug Acting Head sa GMA Integrated News nga si Oliver Victor B. Amoroso.
Ang "The Write One" kay makita matag alas 9:35 sa gabii , Lunes hangtod sa Huwebes sa GMA Telebabad ug duna kini simulcast airing sa Pinoy Hits ug I Heart Movies, ingon man usab alas 11:25 sa gabii sa GTV. Makita usab kini sa GMA Pinoy TV. Samtang ang advance episodes niini kay makita sa Viu Philippines gikan Sabado hangtod sa Martes.