Kaanyag ni Sofia milutaw

CEBU, Philippines — Naputos sa mga pagdayeg gikan sa netizens ang kuha sa birthday shoot ni Sofia Pablo nga gi-post kagahapon sa  Instagram  account sa aktres.

“Young and sweet, only seventeen,” caption pa sa  Kapuso actress sa maong hulagway.

Kasagaran sa mga reaksyon nga nadawat niini kay matud pa nilutaw og samot ang pagka-charming ni Sofia .

Usa sa gikabisihan karon ni Sofia mao ang   shooting sa iyang  digital series nga  “In My Dreams" kauban ang iyang  on-screen

partner nga si Allen Ansay.

Lee ug Lee nagpakasal na!

Nagpakasal na sa niaging adlaw ang South Korean stars nga sila si Lee Seung-gi ug Lee Da-in pinaagi sa pribadong seremonya

kun diin ang ilang pamilya og soud lang nga mga higala ang ilang bisita.

Spotted sa maong seremonya sila si  Yoo Jae-suk, Yang Se-hyun, Cha Eun-woo, Yoo Yeon-seok,  Joshua ,Hoshi, Han Hyo-joo, 

Lee Dong-wook, ug uban pa.

Nailhan si Lee Seung-gi gumikan sa sikat kaayo nga K-Drama series nga "My Girlfriend is a Gumiho".

Samtang si  Lee Da-in kay nalakip usab kaniadto sa  Hwarang: The Poet Warrior Youth, Twenty Years Old, ug My Golden Life.

Dolly gilinyahan og mga proyekto

Human nikulit og atensyon   sa iyang  international movie nga “Triangle of Sadness”, nagpusot-pusot na ang mga proyekto ni

Dolly de Leon. Nalakip na niini ang laing  international movie nga  “Grand Death Lotto” kauban ang Hollywood stars nga sila si

John Cena, Awkwafina, Simu Liu, Ayden Mayeri, Seann William Scott ug Donald Elise Watkins.

Molugwa usab ang aktres sa umaabot nga  proyekto sa ABS-CBN nga “A Very Good Girl” kun diin  bida niini ang award-

winning actress nga si  Kathryn Bernardo.

Nag-yoga retreat

Nitikang sa   El Nido, Palawan ang aktres nga si Maxene Magalona ug nitambong  og  yoga retreat. Importante alang kaniya ang

pag-atiman sa iyang emosyonal nga istado sa iyang kinabuhi.“So that I can do the work to heal and raise my vibration," niya pa.

Nataptan sa COVID-19

 Gibutyag ni Saab Magalona nga kasamtangan siya nga naka-isolate  gumikan kay nataptan siya sa  COVID-19 . Suma pa sa

aktres nga nagsagunson ang panakit sa iyang lawas isip sintomas sa maong sakit.

Target ni Jennica

Gipangandoy sa  Kapamilya actress nga si Jennica Garcia  nga mahimong kabahin sa usa ka  local adaptation sa  Korean drama.

Dili gyud siya magduha-duha sa paghatag og oras kun dunay mga audition niini.

"My love" ni Kris nagpaklaro na

Nasigpatan ang kanhi Kapamilya TV host nga si Kris Aquino sa  Newport Beach, California niadtong  weekend kauban si 

Batangas Vice Governor Mark Leviste.

Base usab sa Instagram stories ni Mark  , makita  nga nag-todo shopping  sila sa   Fashion Island ug naa usab ang  anak ni Kris

nga si  Bimby ug ang higala niini nga si Michael Leyva. Giregalohan usab sa maong politiko si Kris  og alahas.

Kasamtangang nag-istar si Kris sa Amerika gumikan sa nagpadayon nga pagpaalim sa iyang sakit

Una na nga giklaro Kris nga "best male friend  " lang niya si Mark.  

Apan daghan ang nagduda sanglit "my love' man ang itawag ni Mark ngadto kang Kris.