Ikaw na, John!

CEBU, Philippines —  Upat ka mga pelikula ang naglinya nga himuon ni John Arcilla human sa Dirty Linen. Hinungdan nga nanghinaot siya na makagahin pa siya og oras alang sa kagustuhan niya nga makapahigayon og concert. Nanghinaot sab siya nga mahinayon na ang gilaraw nga sequel alang sa Himala, diin sila ni Superstar Nora Aunor maoy mag-uban. Suma pa niya, wala pay pandemic dihang giluto kini nga proyekto diin nakaapil pa siya sa script development sanglit ka tsika niya ang writer. Apan nagkaproblema siya sa iyang schedule, ug naabtan na lang pud sa pandemic, hinungdan nga wala gyud moabante ang maong plano. Apan karon, dayunon gyud matud pa ang maong project.

Ka hugyaw!

Tulo ka mga kontrata ang gipirmahan ni Xian Lim sa Viva Entertainment human napupos ang unang kontrata nga gipirmahan niya lima ka tuig na ang nilabay.Ang una mao ang management contract niya isip talent sa Viva Artist Agency; ang ikaduha mao ang pagka director niya ug ang ikatulo mao ang iyang himuon nga pelikula isip artista. Puros tag lima ka tuig ang gidugayon sa maong mga kontrata. Gumikan niini, labihan ang kalipay ug pasalamat nga gipadayag sa actor.

Maris ug Khalil

Magpares sa pelikula sila si Maris Racal ug Khalil Ramos. Kini pinaagi sa “Simula Sa Gitna” nga sequel 2018 film, “Hintayan Ng Langit” nga gibituonan nila ni Eddie Garcia ug Gina Pareno ug ubos sa direksyon ni Dan Villegas. Ang Project 8 Projects ug ANIMA Studios ang mogama niini. Ang tsika, si Kit Thompson gyud unta ang pares ni Maris niini ug nakasugod na sila og shooting. Apan nihukom ang producers nga mag-reshoot sila ug si Khalil na maoy gikuha. Pasok sab niini si Jaine Oineza.

Para kang Malia

Subling nidangop og abogado ang komedyana ug TV host nga si Pokwang. Wala niya idetalye unsay rason, apan tataw nga may kalambigitan kini sa iyang anak nga si Malia O’Brian. Niya pa sa iyang IG post, “Hindi ako susuko para sayo anak @malia_obrian kung naitaguyod ko si ate ng mag isa mas lalo ako magsisipag at magiging matapang para sayo at sa inyo ng ate mo.” Si Atty. Ralph Calinisan ang abogado ni Pokwang. Si Calinisan, uyab sa kapamilya star nga si Dawn Chang, kinsa didto sab sa opisina niadtong didto si Pokwang.

Tabangan ang food industry

Mga proyekto nga makapalambo sa food industry ang buot himuon ni Marvin Agustin niining pagbalik showbiz niya ubos na sa pagdumala sa Crown Artist Management nila ni Maja Salvador ug Rambo Nunez. Buot matud pa niyang ipakita ang kalisdanan nga giagian sa mga lagutmon usa pa kini moabot sa atong lamesa. “At hindi lang actually kami kundi buong ecosystem ng food industry. Farming. Kasi, diyan din ako nahilig sa bahay ko, kung anu-ano ang itinatanim kong kamatis, radish. So don ko nare-realize kung gaano kaimportante ang farmers, ang pag-aalaga, sustainability, pagbibigay-respeto at halaga sa pagkain natin.”

Yan Na!

Bet sa netizens ug pageant fanatics ang swimsuit photos sa pambato sa Sinaloan, Laguna alang sa umaabot nga Miss Earth Philippines nga si Yllana Marie Aduana. Suma pa nila, sexy ug husto gyud sa pamorma ang lawas sa maong kandidata kinsa usa sab sa mga paborito sa Bb. Pilipinas sa nilabay nga tuig, hinungdan nga labihan ang pagkadismaya sa iyang fans ug followers nga wala siyay naangkon nga korona ug kutob ra siya sa pagka finalist. Usik matud pa siya, ilabi na nga maayo ang iyang pagtubag sa Q&A sa maong pageant last year.

Samad sa kagahapon

Sugilanon sa usa ka anak, si Franz Singson nga gidala ni Janjan Lara, nga malipayon na sa iyang pamilya apan nagdumot sa tinuod niyang amahan nga mibiya kaniya pipila na ka- katuigan ang nanglabay.

Sugilanon sa usa ka  negosyante, Franco Chavez nga gidala ni Lauro Flores,  nga gidulaan ang kinabuhi pinaagi sa pagbaton ug malamposon nga pamilya, babaye ug sala sa kagahapon. Siya ang matuod nga amahan ni Franz.

Wa damha nga magkasugat ang mga dalan sa amahan ug anak pinaagi kang Henric Singson, usa ka padung na sa pagkabangkarotang negosyante nga gidala ni Alex Sebalda.

 Dili gayud makapasaylo si Franz kang Franco bisan paman sa mga paningkamot ug mga tanyag niini.

Ang samad sa kagahapon nagpabilin sa iyang kasingkasing hangtod karon.

Dihang gipusil si Franco ni Cherie nga gidala ni Melchie Cantago, nga iyang kabit, diha pa gihatag ni Franz ang iyang pasaylo. Apan uwahi na. Patay na si Franco.

Ang mga artista niini, maglangkub nila ni Alexander T. Sebalda, Jan-Jan Lara , Lauro Flores , Melba Cola Zamora ,  Marivic Sandal  , Dolores Suarez Yacub , Melchie P. Cantago  , Princess Janelle Boltron , Nicole Arriane Oronce King  ,  Baguio Kiko , Joko Alinsugay , James Codilla , Kristian Nino Sala.

 Ubos sa direksyon ni Wilnard Banzon ug sinuwat ni Baby Omega-Flores, ang Samad Sa Kagahapon, isalida sa CCTN 47sunod semana isip Lenten Special.