Elisse, nagpagalaw ng ilong?!

Iniintriga si Elisse Joson na nagpa-retoke ng ilong.

Pansin na pansin daw kasi ang pagbabago ng hitsura niya dahil dito.

May nag-comment pang naging kamukha na raw niya si Nathalie Hart.

Pero parang dedma naman si Elisse at ini-enjoy ang pagiging hot mommy “Pag mom ka na, getting all dolled up excites u a lot more.. kasi, “why not” “minsan lang eh?” aniya sa isang post.

Anyway, isang palabang ex-girlfriend ang bagong panggigigilan ng mga manonood sa pagpasok ng karakter ni Elisse Joson sa Kapamilya teleseryeng Dirty Linen, na napapanood gabi-gabi sa Kapamilya Channel, A2Z, at TV5.

Gagampanan ni Elisse si Sophie Madrigales, ang ex-girlfriend ni Aidan (Zanjoe Marudo) na determinadong makuha muli ang kanyang pagmamahal. Dahil dito, magsisilbing tinik sa buhay ni Mila (Janine Gutierrez) si Sophie dahil unti-unti na sanang nakukuha ni Mila ang loob ni Aidan para sa plano niyang paghihiganti sa pamilya nito.

 Sa isang interview sa Kapamilya Chat kamakailan, ikuwinento ng aktres na natutuwa siyang mapabilang sa isang kapana-panabik na kwento kasama ang mahuhusay na co-stars.

“I was really excited kasi ang tagal ko ding hindi gumawa ng teleserye. Nandoon ‘yung gustung-gusto kong magtrabaho ng panibagong gagampanan. ‘Yung kaba rin is always going to be there pero ‘yung kabang masaya,” sabi niya.

Ibinahagi rin ni Elisse na dapat abangan ng mga manonood ang iba pang pasabog na rebelasyon, kabilang na rito ang masalimuot na sikreto ng kanyang karakter.

 “There’s so much more in Sophie na magugulat kayo. I’m excited to watch din kung paano mag-a-unfold ‘yung story ni Sophie, kung ano ‘yung dala niyang bagsik,” sabi pa niya.

Anyway, confirmed na confirmed na nagkabalikan sina Elisse at McCoy de Leon last February at happy na ulit ang fans nila dahil nag-post na si Elisse na kasama si McCoy after ng matagal-tagal ding panahon ng isyu sa kanilang hiwalayan.

Magkasama silang nag-attend ng wedding ni Verniece Enciso-Dichaves.

May isang baby sila, si Felize.