Tinulungan nina Rose at Liza... Andrea inaakusang epal, nag-promposal kay Ricci sa concert ng Blackpink

Uy kanya-kanyang paandar ang promposal para sa kauna-unahang Star Magical Prom na gaganapin sa Marso 30.

Mala-’debut’ na selebrasyon ang magsisilbing pag-welcome sa top young at rising stars na nais maabot ang kani-kanilang mga pangarap bilang artistang may “Tatak Star Magic” ang magaganap dito.

Kaya naman kanya-kanya silang isip ng gimik.

Pinag-uusapan ang promposal ni Andrea Brillantes sa boyfriend na si Ricci Rivero upang maging escort niya.

May mga naaliw pero may mga nairita rin.

Parang ginamit pa raw ang concert ng Blackpink para pag-usa­pan sila.

In all fairness kasi, in the middle of the show, binasa nina Rosé at Lisa ang “promposal” sign ni Andrea.

Nakasulat rito ang “I just wanna ask Ricci Rivero, will you go to prom with Andrea?”

“Please go to prom with that girl,” sabi ni Rosé onstage kung saan binasa niya ito ng malakas.

Sigawan ang audience.

Mabilis namang nag-yes si Ricci na nakita naman sa monitor na nag-kiss pa sa noo ng girlfriend kaya maraming kinilig.

Magkasamang nanood ng sold-out Born Pink concert ng sikat na K-pop girl group sensation Black Pink sina Andrea and Ricci.

Kilalang Blinker si Andrea eversince.

Nag-viral ang video ng promposal nila pero mixed nga ang reaction.

Samantala, paandar din at mara­ming kinilig sa promposal na ginawa ng upcoming actor na si Beaver Magtalas sa young actress na si Mutya Orquia.

Mula sa set-up ng venue sa romantikong Tagaytay at pasorpresang pagda­ting ni Beaver doon para pormal na mag-propose kay Mutya na maging date niya sa Star Magical Prom sa March 30, palung-palo ang netizens sa socmed post ng nasabing okasyon.

Bukod sa pagsasabing “’kala ko ba may klase ka?’ eh pinaandaran din ni Beaver si Mutya ng isang harana.

Well, aminado naman si Beaver na close talaga sila ni Mutya sa totoong buhay kaya ito ang gusto niyang makapareha sa Star Magical Prom.

Kumpleto pa sa pa-placard si Beaver kung saan nakasulat ang katanungang: “Miss Mutya Orquia, Will you be may ‘date’ at the Star Magical Prom?”

Kung “yes” ang sagot ni Mutya, i-click niya ang heart. At kung “yes” pa rin ang sagot, dapat niyang i-click ang “thumbs up.”

So, walang kawala si Mutya sa promposal ni Beaver. Either or ang piliin ng dalaga, sila pa rin ang magkakasama sa gabing iyon ng Star Magical Prom.

Bongga!

Very simple ang traditional. Kaya naman nag-trending ito sa Tiktok.