Ysabel, lutang ang confidence

Lalong gumaganda si Ysabel Ortega habang tumatagal. Ngayon meron nang confidence ang mga kilos at pagsasalita niya.

Maganda ang ginawa ng GMA Artist Center sa paghawak sa kanyang career, dahan-dahan pero sure. Hindi ‘yung biglaan ang pagsikat. At hahanga ka kay Ysabel dahil kahit nasa showbiz, hayun at natapos ang pag-aaral, at ngayon gusto pang kumuha ng Law dahil gustong maging abogada sa future.

Maganda ang takbo ng utak ni Ysabel, hindi lang ang pagiging popular ang gusto niya, gusto rin niya na talagang maging matatag para sa future, ang magtapos ng isang kurso na tiyak magbibigay sa iyo ng isang matatag na trabaho. Malay natin, kapag isa nang lawyer si Ysabel pasukin din niya ang politics. Hindi malayong mangyari iyon dahil may dugong pulitiko ang kanyang pamilya.

Go go, Ysabel Ortega, keep looking high, catch your dreams, kayang-kaya mo iyan, bongga.