Napili isip labing una nga "Girl on Fire" grand winner ang Cebuana performer nga si Mary Delle Cascabel human niya gibida ang hugyaw niya nga talento sa pagsayaw atol sa "Girl on Fire: The Blazing Finale'' sa It's Showtime sa niaging adlaw.
Nakaangkon siya og total average score nga 9.3 gikan sa Hataw Royalties nga sila si Regine Tolentino, Sunshine Garcia, G-Force Myka, AC Bonifacio, Chie Filomeno, Zeus Collins, Jay Roncesvalles, Vimi Rivera ug John Prats.
Ang iyang premyo naglangkob sa P500,000 gikan sa S.C.D ug exclusive management contract gikan sa Polaris sa Star Magic.