Ice, nag-viral sa Usahay!

Nag-viral ulit si Ice Seguerra sa kanyang rendition ng sikat na Cebuano love song na Usahay. Umani na ito ngayon ng mahigit 4 million views at libu-libong reaksyon since i-post ito Facebook.

Karamihan sa nag-comment ay fans niya sa Visayas na nagpapahayag suporta sa kanyang nalalapit na concert sa Cebu.

“I am so excited to bring “Becoming Ice” to Cebu. Sa totoo lang, I love performing for the Cebuaños. Yes, medyo nakakakaba kasi in my many years of perfor­ming there, makikita mo na they really know what they want out of a performance. They really listen, kaya ‘pag nagkamali, lagot. Pero kapag na-appreciate nila ‘yung music and performance, sobrang all out din sila para ipakita ‘yung enjoyment nila,” banggit ni Ice sa kanyang Feb. 18 concert doon na gaganapin sa Waterfront Cebu.

Mahaba na kumbaga ang koneksyon ni Ice sa Cebu dahil nanggaling dito ang kanyang unang gitara sa isang pagbisita many years ago, a fond memory with his mother when he was still a child performer kaya’t naging inspiration ng singer-songwriter na isama ang nasabing well-loved song sa kanyang repertoire sa Cebu leg ng Becoming Ice.

“Itong Usahay, kasama ng Matud Nila, ang mga una kong natutuhang kanta nung bata pa ako. Naaalala ko, nung mga six years old ako, nag-show kami sa Cebu.

“Medyo nabaluktot talaga ang dila ko nung inaaral ko ‘yung lyrics … pero nung narinig ko ‘yung music, sobrang nagustuhan ko na ‘yung mga kanta. Since hindi ko siya maintindihan, tinanong ko ‘yung mga kaibigan kong Bisaya kung ano’ng meaning. Nung nalaman ko, lalo akong na in-love. Mas masarap nang kantahin,” pag-aalala pa niya.

Samantala, makakasama niya sa entablado sa Cebu ang up-and-coming VisPop idols from Cebu’s vibrant music scene, including the crowd favorite, Oh! Caraga band and Jerika Teodorico of Labyu, Langga fame.

Dagdag na mapapanood upang mas maging extra special ang post-Valentine concert na ito ay sina Concert King Martin Nievera, Bayang Barrios, Mike Villegas, Cooky Chua, and Frenchie Dy. Magkakaroon din special participation sina Sylvia Sanchez and Bossing Vic Sotto.

Nauna nang nagpasalamat si Ice sa mainit na pagtanggap ng kanyang fans sa Cebu nang magkaroon siya kamakailan ng radio tours and concert preparations.

“Namiss ko ‘yung ganito! ‘Yung umiikot talaga sa radio stations para mag-promote. Ang sipag ko before sa mga ganitong promotion because I feel closer to the fans,” aniya.

“Before social media and Spotify, we used to go to different provinces to promote our albums. Sa isang araw. Tapos meron pang record bar tours and mall tours kung saan pagkatapos ng performance, the fans who who bought my album will have their copies signed. Minsan tumagal ng more than four hours ‘yung album signing, nagsara na ‘yung mall, nandun pa rin kami. It’s definitely more tiring, yes, but the experience, not just for me but especially for the fans, is more memorable. Iba pa rin talaga ang physical connection.”

Ang concert series na ito ay bahagi pa rin ng pagbabalik niya sa concert stage after 10 years. Ang kanyang huling major concert was in 2014 back-to-back concert with Jake Zyrus.

Magaganap ang Becoming Ice (by Fire and Ice Media and Nathan Studios, presented by Katinko), sa Cebu sa Pacific Grand Ballroom, Waterfront Cebu Hotel and Casino in Cebu City on Feb. 18, 2023.

Tickets are available at SM Tickets Online. Log on to https://smtickets.com/. Tickets may also be purchased at the Waterfront Hotel ticket counter.