Pinangga sa Viva

CEBU, Philippines — Na emosyonal si Christine Reyes sa iyang subling pagpirma og kontrata sa Viva Artist Agency niadtong Biyernes. Twenty years na siya sa showbiz, ug 15 years na sa Viva. Wala matud pa siya nagdahom nga mulungtad siya sa showbiz og ingon niini kadugay. Niadtong bata pa siya, may mga desisyon matud pa siya nga dili mao. Apan, nagplano na gyud siya kaniadto nga magminyo ug manimuyong malinawon kauban ang iyang pamilya. Pero napakyas siya. Nagtuo matud pa siya nga dili na gyud siya makabalik sa showbiz sanglit daghang mga bag-ong artista nga nibutho, apan gumikan sa pagsuporta sa Viva kaniya nakaangkon siya og second chance. “It’s just that, siguro yung turning point in my life was when I hit rock bottom and …. ah nawala ang lahat sa akin. Ang hirap noon. Nasaktan talaga ako noon that’s why I’m very thankful that I am here with Viva kasi they trusted me all the way unil after everything so yung trust na yon, ayokong biguin.” Karon, matud ni Christine nga ang iyang mga desisyon sa kinabuhi, gipahaom na gyud niya sa unsay makaayo sa iyang anak nga si Amarah. Courtesy of IG accounts: vivaartistagency

Kay nindot og lawas

Confident na gyud si Mark Anthony Fernandez nga magpa sexy sa pelikula sanglit kondisyon kaayo iyang lawas gumikan usab sa disiplina sa pagworkout gikan pa niadtong 2018. Matud ni Mark, kundili siya maka workout, morag masakit siya. Nagpa sexy si Mark sa Scorpio Nights 3 nga gibituonan ni Christine Bermas para sa VivaMax. Nasundan kini sa Pamasahe, Nightbird ug Bela Luna. “Well, mas matapang ako ngayon kasi pinaghirapan ko naman ang porma ng katawan ko ngayon. Talagang nag-eensayo ako everyday at hinahanap na ng katawan ko kapag hindi ako nakapag-exercise.”Dili magminyo

Walay plano sa Valentines si Diego Loyzaga. Wala sab siyay uyab karon. Matud niya ngadto sa PEP Troika, dili niya prayoridad ang pagbaton og relasyon karon. Gani, gipadayag sab niya nga kun ugaling makapaanak siya, dili siya magminyo apan siguraduhon niya nga mapadako ang bata ug mahatagan sa gikinahanglan niini. “If magkaroon ako ng baby, ahmm... I’m just gonna give the baby the life that I never had. I think there’s a bigger possibility of, you know, just having a baby and raising that baby properly than having a successful marriage. I’m sorry, it doesn’t go for everybody. This is just my two cents. And neither am I saying that I’m right, ha?” Ni Diego pa.

Textmates sila

Maayo ang relasyon nila ni Jennylyn Mercado ug Carlene Aguilar. Gani, bisan wala sila naghimamat pa sa personal magka text sila, usahay mag-istorya gyud sa telepono kabahin og parenting tips. Musumbong sab matud pa si Carlene ngadto kang Jen kun dili sila magkasinabot sa iyang anak nga si Calix. Si Calix anak ni Carlene ug Dennis Trillo. Stepmom ni Calix si Jen, ug matud ni Carlene iyang gihatagan og katungod ang aktres nga mo maymay sa iyang anak sanglit mao matud pa kini ang mobarog nga inahan kun wala siya. Usahay muingon matud pa si Jen kang Carlene nga sabton lang si Calix kay niagi sab siya og pagka teenager kaniadto.

#WaisNaMister

Gihulagway ni Chito Miranda ang iyang kaugalingon nga #WaisNaMister human siya giregaluhan sa iyang asawa nga si Neri og pick-up truck. Matud ni Chito sa iyang post, okay ra niya nga daan ang iyang sakyanan sanglit mas pilion niya nga mokita pa ang iyang kwarta inay ipalit og bag-o.  "Since alam niya na hindi ako bibili ng sasakyan para sa sarili ko, kahit gaano ko pa kagusto magkapick-up, ang ginawa nya, sya nalang ang bumili for me." Courtesy of IG accounts: chitomirandajr