Matinik din pala sa babae itong Kapuso actor na si Miguel Tanfelix, huh!
Inilahad ni Miguel sa Fast Talk With Boy Abunda na naging girlfriend niya sina Barbie Forteza at Bianca Umali habang naging close raw sila ni Kyline Alcantara.
Pero ang love of his life ngayon ay si Ysabel Ortega, anak ng dating aktres na si Michelle Ortega.
At ang deklarasyon ni Miguel kay Ysabel, “Mahal na mahal ko siya!”
Wow! Sarap namang magmahal ni Miguel! Mainit ang Valentine’s Day nilang dalawa, huh!
Luis may subpoena na sa gasoline investment scam
Naglabas na ng subpoena ang National Bureau of Investigation kay Luis Manzano matapos siyang isangkot sa umano’y gas station investment scam.
Ayon sa malalapit kay Luis, biktima rin daw siya ng scam na nakapag-invest din sa gasolinahan.
Pero kailangang ituwid ni Luis ang akusasyong ito dahil siya ang sangkot na pangalan, huh!
Eh kahit sinasabing malapit kay Luis ang nambiktima, still, siya pa rin ang talagang hahabulin ng nakuhanan ng pera na investors!