Lalo pang uminit ang pagbatikos kay Alex Gonzaga sa nag-viral na video na kung saan ipinahid niya sa waiter ang birthday cake niya pagkatapos niyang hipan ang candle. Trending pa rin siya ngayon at ang dami nang nakisawsaw.
Dito na naman lumabas ang pagiging creative ng netizens na kung anu-anong memes ang mga ipinu-post, at ang dami nang nadadamay.
Nabuhay na naman ang interview kay Dina Bonnevie tungkol sa tinarayan niyang young actress noon na nag-a-attitude sa set.
Naungkat ang videos ng mga ginawa niya noon sa PBB, sa ilang guestings na sinasabing bastos daw talaga ang actress/TV host.
Pati si Toni Gonzaga na malapit na ang concert sa Araneta Coliseum ay idinamay na rin.
Ang masaklap pa rito, baka maapektuhan pa ang political career ng asawa niyang si Mikee Morada. Mukhang may ambisyon daw ito sa mas mataas na posisyon sa susunod na eleksyon. Makakatulong raw kaya sa pangangampanya niya si Alex?
May nag-post ng streamer na ipinaskil sa Lipa City na kung saan konsehal doon si Mikee. May Christmas greeting na kung saan may picture ng mag-asawang Mikee at Alex.
Naka-all caps ang GOB na nagpapahiwatig na tatakbong Governor sa election 2025 ang mister ni Alex.
Sinubukan din naming tanungin ang mga taga-Tropang LOL, wala pa silang sagot sa tanong namin kung ano ang stand nila sa isyung kinasangkutan ng kanilang main host.
Mukha namang keber ng Tropang LOL sa mga pinasukang isyu at sa mga pinaggagagawa ni Alex. Ang dami nilang hosts doon at ang mahalaga ay nagpapasaya at nakakatulong sila sa mga manonood.
Sa rami ng raket, Herlene laging lupaypay sa taping
Naantala ng ilang araw ang taping ng Magandang Dilag ni Herlene Budol dahil sa nagkaroon ng minor accident sa taping nung nakaraang linggo. Namali raw ang hakbang ng comedienne/beauty queen sa bandang swimming pool kaya nadulas ito.
Medyo mahina na raw si Herlene nung araw ng taping. Maaaring overfatigue rin kaya minabuti ng production staff na ikansela ang schedule ng taping para magpahinga muna si Herlene.
Ratsada pala sa trabaho si Herlene. Kapag wala raw taping, nagsu-shoot naman ito sa ilang endorsements niya.
Kaya pagdating sa taping, lupaypay na raw.
Baka sa Biyernes ay iri-resume na raw nila ang taping ng Magandang Dilag dahil nakapag-rest na raw nang maayos si Herlene.
Next month na ito magsisimula sa afternoon drama na malakas ang mga programang ipinapalabas.