Awra, umarte sa guesting sa Kapuso
Ayaw banggitin ng ilang production staff ng daily show na TiktoClock kung sino itong Kapamilya artist na sinubukan nilang i-guest sa isang episode nila.
Ipinaalam daw nila ito sa bosses kung puwede at pinayagan din naman daw itong Kapamilya artist na tumawid muna sa GMA 7.
Nalaman din namin bandang huli na si Awra Briguela pala itong tinutukoy nila.
Umokay na raw ito na mag-guest sa naturang show, pero bandang huli ay nagdahilan na hindi na puwede nang nalaman niya kung sino ang makakasama niya.
Nagtanong daw ito kung sino ang makakasabay niya sa guesting, binanggit ang pangalan ng isang bading na Kapuso artist.
Biglang hindi na raw siya puwede sa araw ng taping.
Ang gusto raw kasi ni Awra, mga Kapuso hunk ang makakasabay niya na aawra-awra siyang pagkaganda-ganda.
Nairita ang mga production staff ng TiktoClock dahil kasado na ang episode nila sa guesting nito, dahil nag-okay naman siya nung una.
Hindi raw nila akalaing may pagka-attitude ang acclang ito!
Boy Abunda, uunahin si Marian
Sa Jan. 23 na ng 4:05 ng hapon magsisimula ang first show ni Kuya Boy Abunda sa pagbabalik niya sa GMA 7.
Ang ganda ng naisip nilang title, ang Fast Talk with Boy Abunda na talaga namang tatak Kuya Boy ang titulong ito.
Sabi ng King of Talk sa nakaraang presscon ng FTWBA: “I own the copyright of Fast Talk. I invented that. I created that.
“At agad nagpasintabi rin tayo para hindi nasu-surprise ang mga kinauukulan. Yes, I own the copyright of Fast Talk.
“So gagamitin natin ang isang elemento na akin. Ibibigay ko ‘yun, ‘di ba?
“Dahil alalahanin natin, ako’y singit lamang, ako’y hihiram lamang ng 20 minutes doon sa sabi nga ng ating boss, ni Lilybeth (Rasonable), ay nasanay ang ating merkado doon sa mga teleserye in the afternoon.
“Ahhm, aside from that, susubok din tayo. Susubok din tayong gumawa ng headlines. Kung marami sa social media ang nagiging sources ng kuwento, hindi ko ihihinto rin. Maghahabol din tayo ng kuwento.
“Malay mo makatisod tayo ng balita na sa atin mag-uumpisa. Because remember, we have access to the GMA artists. We have access to our personal friends.
“At may konting kredibilidad dahil may fact-checking kami. Kung halimbawa, magbibigay ako ng headline, dadaan ‘yan sa napakaraming tao before I’m able to do you know a commentary for example. Or an enumeration of headlines for the day.”
Sa pagsisimula nito sa Jan. 23, matinding Kapuso stars ang special guest niya mula Lunes hanggang Biyernes.
Aniya: “Marian (Rivera) is my first guest. And Marian, maraming-maraming salamat sa iyong pagtitiwala. Alam naman natin si Marian, she is on a temporary hiatus but napakabait…
“Tinawagan ko ang management office ni Marian saka ni Maine (Mendoza). I called Shirley Kuan personally to negotiate and to talk to her about Bea Alonzo. And she has confirmed, on the Thursday of the first week.
“I spoke directly to Alden (Richards), to Richard. I mean, I call him Richard. I spoke to Paolo Contis straight…”
Nabanggit nga sa akin ni Paolo na maggi-guest siya sa Fast Talk.
“Ay, oo naman! Hindi naman ako papayag, sabi ko. ‘Hindi ako papayag na hindi ka umoo,” bulalas ni Kuya Boy.
“I spoke to Popoy Caritativo this afternoon, confirmed Carla Abellana. I spoke to Popoy. In other words, I’m going to work with a great team pero hindi ako uupo.
“Kaya sinasabi ko sa kanila, ‘Pasensya na kayo, sobrang taas ang energy ko at pakialamero ako.’ Oo, dahil hindi ako papayag na hindi mag-deliver dahil sobrang tiwala ang ibinigay sa akin ni Atty. Gozon.
“Hindi ako mag-aantay ng grasya. I will work. I called all of them. So my first week is Marian.
“The second day is Glaiza (De Castro), and I am lucky because the husband said yes. I’m doing an exclusive interview with Glaiza and David (Rainey).
“Our Wednesday si Alden. Our Thursday is Bea (Alonzo). Our Friday is Paolo Contis. Can we ask for more?,” dagdag niyang pahayag.
Kaya exciting itong Fast Talk with Boy Abunda na isa sa mga unang gagawin ng King of Talk sa GMA 7.
Meron pa siyang naisip na isang concept ng show, pero pinag-uusapan pa raw nila ito sa mga boss ng network
- Latest
