Totoo nga ‘yung sinasabi ng ilang kalalakihan, na mas type nila ang mga babaeng nagkaanak. ‘Yung mga single mom. ‘Yung may karanasan na, at hindi pa-virgin!
Ngayon ko lang napatunayan kay Elisse Joson, na magmula nang maghiwalay sila ni McCoy de Leon, ang daming nagkainteres sa kanya.
Isang kaibigan ang lumapit sa amin para tanungin kung magkaibigan ba kami ni Elisse.
Sabi ko, hindi. Minsan ko lang yata siya na-interview dahil taga-ABS-CBN siya.
May isa palang kilalang pulitiko na gustung-gusto si Elisse, at balak pormahan nang nalamang single na uli ito.
Tinanong ako ng kaibigan ko kung keri ko bang ipakilala si Elisse dito sa kilalang pulitiko.
Sa totoo lang, bongga si Elisse kung papatulan niya si kilalang pulitiko. Pero ewan ko lang kung type ng aktres, lalo na’t ‘pag nalaman niyang may asawa na ito.
Kapansin-pansin kasing lalong gumanda ngayon si Elisse at sumeksi.
Grabe nga ang komento ng followers ng aktres na inaalipusta si McCoy na kesyo bakit pinakawalan daw ang ganun kaganda at kaseksi na si Elisse. Pati ang babaeng nali-link kay McCoy ay kung anu-anong panlalait ang inabot sa mga netizen na obvious na fans ni Elisse.
Sofia, inaming ‘di sila magkasundo ni Jillian
Nakakatuwa na finally, nakapasok na kami ulit sa GMA 7 pagkatapos nilang maghigpit dahil sa pandemya.
Ang ganda rin na nakilala namin ang mga bagong tuklas ng GMA 7 under the management of Sparkle ng GMA Artist Center.
Inilunsad na sa entertainment press ang bagong kiligserye na Luv Is: Caught In His Arms na magbibigay ng break sa mga bagong mukha ng Sparkle na sina Vince Maristela, Raheel Bhyria, Michael Sager, Sean Lucas, Caitlyn Stave, Tanya Ramos, Cheska Fausto at Kirstin Gonzales.
Bida rito ang lumalakas na ring loveteam nina Sofia Pablo at Allen Ansay.
Sa ginanap na mediacon sa GMA 7 kahapon, maayos na sinagot ni Sofia ang issue sa kanila ni Jillian Ward.
Noon pa man sa Prima Donnas ay ramdam na naming hindi ganun ka-close si Jillian sa mga kasamahan niya.
Naintriga pang nabu-bully pa raw si Sofia. Pero safe naman ang sagot ng young actress nang kinumusta sila ni Jillian.
Close siya sa ilang kasamahan niya, kagaya ni Elijah Alejo, at inamin niyang hindi sila ganun ka-close talaga ni Jillian.
Ani Sofia: “Kami po kasi ni Jillian ever since, hindi po talaga kami ‘yung nagdya-jibe as in, kumbaga, magkaiba po kami ng interes.
“Kumbaga, magkaiba po kami ng interes. So, there are issues. Pero wala na po… matagal na po ‘yun. So, hindi na rin namin siya napapag-usapan. It’s all in the past. So, we’re all happy sa success namin.”
Nagkukumustahan daw sila ng iba niyang kasamahan sa Prima Donnas, bukod lamang kay Jillian.
“I’m happy for her kahit na we never got to be the besties. Pero happy ako kasi isa siya sa artista na nakatulong sa akin na naging tatlo kaming magkakapatid.
“And we know that Jillian is a good star, and I’m really proud of her, even hindi kami ganun ka super-duper close na may issues. I’m proud for the both of us,” dagdag na pahayag ni Sofia.
Ang Luv Is: Caught in His Arms ay collaboration ng GMA 7 at Wattpad Webtoon Studios na magsisimula na sa GMA Telebabad sa Jan. 16.
Federico, itinuloy ang Walk of Fame ni Kuya Germs
Itinuloy pa rin ni Federico Moreno ang German Moreno Walk of Fame na pinasimulan ng namayapa niyang ama.
Nakipagtulungan kay Federico ang head ng Megaworld na si Mr. Kevin Tan, at nabuo nila ang inductees mula sa iba’t ibang sangay ng entertainment at sports.
Ang mga sumusunod na inductees na napili nila ay ang National Artist na si Ricky Lee sa Film, Tony Mabesa (Posthumous) sa Theater, Ranz and Niana Guerrero sa Social Media, Janet Basco sa Music, Hidilyn Diaz sa Sports, Maja Salvador saTelevision, Mario Dumaual sa News and Public Affairs at ang kasamahan ko sa DZRH na si Gerry Baja sa radio.
Gaganapin ang seremonya sa Eastwood City sa Jan. 18 ng 5:30 ng hapon.
Congratulations sa lahat ng napiling inductees sa ngayong taong German Moreno Walk of Fame.