CEBU, Philippines — Nagpakasal na sa simbahan si TV Patrol anchor Marc Logan ug Lois Diego human sa 18 ka tuig nga panag-uban. Suma pa ni Karen Davila kinsa lakip sa mga ninang, kauban sab si Korina Sanchez, “MARRIED! FINALLY, AFTER 18 YEARS. ABS-CBN’s Marc Logan & Lois Diego have considered themselves married since 2003 but have formally tied the knot today. Say hello to Mr & Mrs Ponti (tinuod nga apelido ni Marc)." Ang uban pang ninang mao sila si Vilma Santos, Cory Vidanes, Ces Drilon, Doris Bigornia ug daghan pa. Pipila sa ninong mao sila si Noli de Castro, Ted Failon, Mike Enriquez, ug Sen. Lito Lapid. Ang kasal gipahigayon didto sa St. James the Great Parish sa Alabang,Muntinlupa niadtong January 10.
Tsika sa mga marites sa kanto nga gilangaw ang tickets sa umaabot nga concert ni Toni Gonzaga sa Araneta Coliseum karong January 20. Buot pasabot wala mahalin. Laing tsika mao nga namakyaw og 500 tickets ang inahan ni Toni nga si Pinty alang sa umaabot nga concert sa iyang anak.
Wala mahalin? Natuman gyud
Malipayon si Barbie Imperial para sa iyang ex-boyfriend nga si Diego Loyzaga. Tsika niya ngadto sa PEP ang gihandum gyud ni Diego nga ma-okay sila ug sa amahan niya nga si Cesar Montano nga mao nay nahitabo karon. Friend matud pa sila ni Diego ug wala nay negatibong pagbati ilabi na nga tuig na kapin sukad sila nagbulag.
Jake ug Baron, hapit magsumbagay!
Gibalikan ni Jake Cuenca ang higayon niadtong 2009 diin hapit sila nagsumbagay ni Baron Geisler gawas sa studio sa ASAP. Didto matud pa niadtong higayona si Mr. M o Johnny Manahan kinsa maoy pango kanhi sa Star Magic.
Ang maong rebelasyon giluwatan ni Jake atol sa interview niya sa PUSH Bets Live. Nagkatawa si Jake nga naghinumdum sa nahitabo ug nga nabalita pa gyud sila niadtong tungora. Wala na idetalye ni Jake ang rason sa ilang away, apan suma pa sa PUSH, gi-question matud pa ni Baron ang sunod-sunod nga projects sa aktor sa ABS-CBN. May tsismis pa nga gumikan kini kay adunay "gay backer" si Jake.
Okay na silang duha. Gani nagkatrabaho pa sila sa ABS-CBN series kaniadto nga Tayong Dalawa ug sa pelikulang Lihis human sa ilang away. Karon, co-stars sab sila sa ABS-CBN series nga Iron Heart, nga gibituonan ni Richard Gutierrez.