Boy Abunda, handa na sa ‘Fast Talk?!’
Ang unang programa ng King of Talk na si Boy Abunda ang isa sa aabangan sa pagpasok ng 2023.
Totoo bang Fast Talk ang magiging title nito?
“We started to brainstorm. We started to talk about content. Ano ba ang ginagawa ngayon, what’s happening in the environment now, kailangang aralin. I’d like to be able to have meaningful and fun conversations with [various Kapuso personalities],” banggit ni Kuya Boy sa magiging programa niya sa kanyang pagbabalik sa GMA 7.
Nauna nang nagpahayag ng kagalakan si GMA Chairman and Chief Executive Officer Atty. Felipe L. Gozon sa pagiging Kapuso ulit ni Kuya Boy, “Kami ay nagagalak na si Boy Abunda ay nagbabalik sa Kapuso Network. Si Boy ang King of Talk na marami ang gumagaya ngunit hindi siya napapantayan. I am confident that Boy’s future in GMA Network will be nothing but success.”
Sa ngayon, parami nang parami pa rin ang naghahanap ng real information at entertainment mula sa mga reputable influencers gaya ng nag-iisang King of Talk.
His wit and knowledge are well-regarded by the audience and celebrities.
Naghahatid siya ng mga balita sa showbiz batay sa mga katotohanan at pinananatili ang kanyang eksklusibong access sa mga kuwento na hindi kayang ibigay ng social media lamang.
Kaya naman abangan kung final na nga ba ang sinasabing programa niya at ano ang magiging kaibahan nito sa mga nauna niyang programa sa Kapamilya network.
- Latest
