Liza, binura ang souvenir nila ni Enrique?!

Natuwa na sana ang fans nina Liza Soberano at Enrique Gil dahil magkasama sila sa picture, kaya lang, hindi na mahanap ang larawan ng dalawa. Ang sabi, dinelete ni Liza ang photo ni Enrique at ang paniwala ng fans, utos ‘yun ng Careless Arts and Entertainment, ang management ni Liza.

May naniwala namang si Enrique ang mismong nagpa-delete ng kanyang photo dahil unflattering daw, bagay na ayaw paniwalaan ng fans. May mga nagalit naman kay Liza kung totoong siya ang nag-delete ng photo.

Wala pa namang LizQuen fans na nakapag-screenshot ng photo ni Enrique with Liza and her family, kaya sising-sisi ang fans. Pero tama ang isang fan na bago manisi, tanungin muna si Liza kung bakit na-delete sa kanyang post ang photo na kasama si Enrique.

‘Kaloka, minsan na nga lang magkasama sina Liza at Enrique sa photo, na-delete pa at may rasong magreklamo ang kanilang fans.

Aga at pamilya, pahinga muna

Sa Anvaya Cove sa Morong, Bataan nag-bonding sina Aga Muhlach, Charlene Gonzalez-Muhlach at mga anak na sina Andres at Atasha. Kasama nila ang anak ni Aga na si Luigi Muhlach, ang asawa nitong si Patty at isa nilang anak.

May golf tutorial pa si Aga at makikitang nag-aaral mag-golf sina Andres at Atasha. Ang gandang tingnan ng mga Muhlach having a good time at hindi muna iniisip ang kani-kanyang trabaho.

Si Aga ang host ng game show sa Net 25 at si Luigi ay isang magaling na chef. Sina Andres at Atasha, nag-aaral sa ibang bansa.

Samantala, pinost ni Aga ang photo ng ilang cast, staff at crew ng movie serye niya sa TV5 na Suntok sa Buwan kasama si Elijah Canlas. Sabi ni Aga, “One of the best things that happened to me this 2022 will never forget! Thank you Lord for the gift of meeting and working with these guys! Mahal ko kayo!

Heart, suot na ulit ang wedding ring!

Sa Jan. 1, 2023 pa ang Bagong Taon, sa sobrang saya ng mga nagmamahal kina Heart Eva­ngelista at Sen. Chiz Escudero, ang feeling nila, na-advance ang New Year sa kanila. Dahil ito sa pa-PS ni Heart na “See you soon @chizescudero” sa post niya sa Instagram na she’s heading home for New Year.

Ibig sabihin, sa bansa magnu-New Year si Heart at tinag nga si Chiz sa kanyang pa-PS. Tuwang-tuwa ang supporters ng dalawa dahil hindi lang sila magkikita, magkakausap pa at umaasa silang maganda ang kalalabasan ng pagkikita at pag-uusap ng mag-asawa.

Dagdag pang ikinatuwa ng fans ay suot daw ni Heart ang wedding ring niya, makikita raw ito sa video. Bibilib ka sa fans, ang tatalas ng mga mata at pati ang wedding ring na suot ni Heart, nakita.

Rayver at Julie Anne, magtatambal sa pelikula!

Ang sarap pakinggan ng duet nina Julie Anne San Jose at Rayver Cruz ng Hey Jude ng The Beatles with Julie playing the guitar. Sayang lang at maiksi lang ang reels, sana tinapos ang kanta.

Mapapansing nakapatong ang kanang braso ni Rayver sa tuhod ni Julie habang sila ay kumakanta at hindi ‘yun nakaligtas sa JulieVer fans na siyempre, kinilig na naman. Masaya na nga sila dahil magkasama ang favorite love team nila noong Pasko, sinundan pa ng kanilang duet.

Fan talaga si Rayver ni Julie dahil sa comment nitong “galing mo talagaaaa” na may kasamang face emoji na heart shaped ang mga mata. Sagot ni Julie sa comment ni Rayver, “@rayvercruz galing mo talaga proud of you yieee.”

Pinusuan ng mga kaibigan sa showbiz nina Julie at Rayver ang reels ng dalawa at pati ng ibang fans na bitin sa lahat ng kanilang ginagawa. “More” ang kanilang request at matutupad ito dahil magtatambal sila sa pelikula to be produced by GMA Public Affairs.