CEBU, Philippines — "Grabe!!!!! Ikaw parin!!!! Most beautiful in my book," maoy reaksyon ni Mariel Rodriguez sa hulagway nga gi-post ni Kristine Hermosa kauban iyang bana nga si Oyo Boy Sotto ug lima nila ka mga anak. Gi-post kini sa kanhi bida sa original Pangako Sa'yo ABS-CBN series niadtong pasko.
Nahugyaw si Mayora!
Na-impress kaayo si Quezon City Mayor Joy Belmonte sa acting ni Mon Confiado sa Metro Manila Film Festival entry Nanahimik Ang Gabi, diin bida sab sila si Ian Veneracion ug Heaven Peralejo. Nitan-aw si Belmonte sa advance screening sa maong pelikula niadtong December 23. Ang QC maoy host city sa MMFF karong tuiga. Ni Belmonte pa ngadto sa PEP: "Well, tingin ko, sa akting pa lang… itong akting ni Mon, mahirap na may mauna sa kanya dahil napakahusay ng kanyang akting. And he has shown his talent as a real character actor. I’ve always admired his acting and I was not let down. I was not disappointed by what I saw.”
"Incredible news"
Nasorpresa si direk Mikhail Red sa balita nga #2 ang pelikula niya nga Deleter sa box office result sa unang adlaw sa Metro Manila Film Festival niadtong Domingo. Suma pa niya, incredible ang maong balita, apan tugob siya sa pasalamat nga nigawas gyud ang mga tawo aron motan-aw og sine. Niya pa ngadto sa PEP: Proud and surprised that a R-rated horror film can do so well opening on Christmas day. This opened bigger than my previous horror film Eerie [2018].
"Magandang Dilag"
Sa February 27, 2023 ang target playdate sa teleserye ni Herlene Nicole "Hipon Girl" Budol sa GMA7 nga mag-ulohan og "Magandang Dilag". Base sa teaser nga gipagawas daw aduna kini pagka anggid sa "Bakekang" diin maot og dagway si Nicole ug may transformation nga nahitabo.
Partners ang nag-una!
Partners In Crime, Deleter, Labyu With An Accent, ug Family Matters ang gidungog nga maoy mga nangharos sa takilya niadtong Domingo nga maoy unang adlaw sa pagpasalida sa walo ka entries sa Metro Manila Film Festival karong tuiga. Ang Partners In Crime gibituonan nila ni Vice Ganda ug Ivana Alawi; ang Labyu With An Accent, ilaha ni Coco Martin ug Jodi Sta. Maria; sa Deleter, bida si Nadine; ug ang Family Matters gipanguluhan nila ni Noel Trinidad ug Liza Lorena ang cast. Wala pay official nga pamahayag ang filmfest organizing committee, apan nagpasalamat na sila niadtong Domingo kay gihugopan gyud sa mga sinehan lukop nasud ang walo ka mga pelikula.
Bilib sa asawa
Gipasidunggan ni Chito Miranda pinaagi sa usa ka social media post ang iyang asawa nga si Neri niadtong Sabado, kabahin sa ilang napalit nga balay sa Baguio nga plano nilang paabangan sugod sunod tuig. Nagpasalamat sab siya sa iyang asawa kay kun dili pa tungod niini, dili matud pa niya makaab-ot ang mga butang nga napanag-iya na nila isip magtiayon. “Ang Bahay ni Neri sa Baguio. She keeps on saying that it's ours...but I keep on reminding her that it's hers. Siyempre, binili namin 'to for the family, (yes, tumulong ako, and yes, we're married, so "amin" yan...blah blah blah), pero promise, it was all her idea...yung goal, yung vision, yung planning at pag-buo ng financial strategy kung paano nya mababayaran, pati yung ideas regarding the major renovations that she wanted for the house...it was all 'her',” tipik sa post ni Chito.
Suportahi pud mi
Nanawagan si Jake Cuenca sa iyang fans nga unta suportahan ang iyang Metro Manila Film Festival movie nga “My Father, Myself”, bisan pa man sa kontrobersyal nga istorya niini kabahin sa usa ka bana nga nainlab ngadto sa usa ka batan-on lalaki. “R18 po kami at hindi rin po kami ipapalabas sa SM Kaya nakikiusap po ako sa inyo to please help us spread the word and give our film a chance. From the bottom of my heart thank you po sa lahat magagandang reviews that have already come out about our film #myfathermyself. Magkita kita po tayo sa sinehan ngayon pasko at suportahan po natin lahat ng pelikula ngayon #mmff22 . Merry Christmas guys," tipik sa iyang post niadtong wala pay pasko. Kauban ni Jake niini sila si Dimples Romana ug Sean de Guzman, sa direksyon ni Joel Lamangan.