Totoo kayang high profile politician ang karelasyon ng sexy star na si Franki Russell?
As in high profile raw. Meaning hindi sila natuloy ni Diego Loyzaga?
Anyway, bida ngayon si Franki sa pelikulang Laruan.
Apat na puso ang maghaharap-harap sa laro ng pagnanasa at susubukang manalo sa pamamagitan ng pandaraya, panlilinlang, pagtataksil at kung anu-ano pang kasinungalingan. Pero sa ganitong klaseng laro, mayroon nga bang mananalo?
Isang sexy-drama-suspense Vivamax Original Movie, ang Laruan at mula sa direksyon ni Yam Laranas na aside from Franki Russell ay mapapanood din sina Ava Mendez, Kiko Estrada at ng award-winning actor na si Jay Manalo.
Kwento ito ni Camille (Franki Russell) at ng asawa nitong si Rene (Jay Manalo) na isang sikat at misteryosong painter. Madalas pagtaksilan ni Camille ang asawa dahil sa katrabaho nitong si Geoff (Kiko Estrada). Lagi ring iniimbita ni Camille si Geoff na magsama ng date over dinner sa kanilang bahay. Iiwan nina Camille at Geoff sina Rene at ang date ni Geoff para mag-quickie sa mismong bahay nila ni Rene. Magtutuluy-tuloy ang palabas na ‘to, at pakiramdam ni Camille ay nasa kanya na ang lahat, pati na ang buong atensyon nina Rene at Geoff.
Pero magbabago ang lahat sa pagdating ng bagong date ni Geoff, si Thea (Ava Mendez), isang free-spirited na art major. Dahil parehas ng hilig at parehas na interesado sa arts, magkakapalagayan ng loob sina Rene at Thea, at mahuhulog din ang loob sa isa’t isa.
Dito na magsisimulang ma-threaten si Camille dahil kahit na madalas niyang hindi pansinin at i-take for granted ang asawa, hindi ito sanay na nababaling ang atensyon nito sa iba. Lalo pang lalalim ang galit ni Camille kay Thea dahil mapapansin din nitong napapalapit din ito lalo kay Geoff.
Alamin kung paano manalo sa laro ng pagnanasa, bago ikaw ang maging Laruan – mapapanood na ngayong Dec.16, 2022, streaming exclusively sa Vivamax.