Good luck, Hannah!

CEBU, Philippines — Karong adlawa na mahitabo ang Miss International pageant didto sa Japan, diin ang pambato sa Pilipinas mao si Hannah Arnold.

Panghinaot sa Pinoy pageant fanatics nga unta maangkon ni Arnold ang ika-pito nga Miss International crown para sa Pilipinas.

Unom na ka higayon nga nadala dinhi sa nasud ang Miss International crown pinaagi sa kadaugan nila ni Gemma Cruz, Melanie Marquez, Lara Quigaman, Bea Santiago ug Kylie Verzosa.

Unang higayon kini nga adunay Miss International pageant sukad niadtong 2019, gumikan sa pagbuto sa Covid pandemic pagka sunod tuig.

Ang pambato sa nasud niadtong 2019 mao si  Patricia "Pat" Magtanong nga usa ka abogada. Nalakip siya sa Top 8.

Puros First Runner-Up

Ang mga pambato sa Miss World Philippines sa duha ka international pageants sa nilabay nga weekend managsama nga nitapos isip first-runner.

Si Justine Felizarta, kinsa pambato sa Miss Tourism World didto sa Vietnam niadtong Sabado, napili nga first runner-up. Ang representante sa Japan nga si Erina Hanawa, kinsa half-Pinoy, maoy na rayna. Nalakip sab isip runners- up ang mga pambato sa Vietnam, Russia ug Nigeria.

First runner-up pud si Beatriz Mclleland sa Miss Eco Teen International didto sa Egypt niadtong Domingo.

Ang pambato sa India nga si Cherisha Chanda maoy nidaog. Si Mclleland nga pambato sa nasud, susama og kapalaran kang Tatyana Austria kinsa representante sa Pilipinas sa nilabay nga tuig.

Niadtong 2020, ang pambato sa Pilipinas nga si Roberta Tamondong maoy narayna sa maong Egypt-based pageant.

Drag You..

Taliwala sa tsika nga subling gam-on sa ABS-CBN ang Mars Ravelo’s Dyesebel diin si Andrea Brillantes ang bida, nilugwa ang young actress kagahapon pinaagi sa usa ka grand media launch aron ipahibawo ang bag-o niyang proyekto nga makita pinaagi sa iWant TFC, ang “Drag You and Me.” Leading men ni Andrea sila si JC Alcantara ug Christian Bables. Malakip sab niini sila si Ice Seguerra, Romnick Sarmenta ug Jon Santos.

Child Wonder, pangitaonp

Nangita karon ang Dreamscape Entertainment og batang lalake ug babay nga nag-edad og 5-9 years old, aron malakip sa TV version sa pelikulang Batang Quipo ni anhing Fernando “Da King” Poe Jr., nga mulugwa na sa telebisyon. Ang gipangita maoy modala isip mga bata nga Coco Martin ug Lovi Poe sa maong serye. Ug “ pwedeng maging susunod na child star tulad ni Onyok.” Si Onyok lakip sa mga bata nga nilugwa sa FPJ’s Ang Probinsyano diin si Coco gihapon maoy bida sa TV version.

Congrats, Kim!

Si Kim Molina maoy modala isip Zsazsa Saturnah sa subling paglugwa niini sa entablado sa Marso sunod tuig. Si Kim mismo maoy nipahibawo niini pinaagi sa pag-upload sa poster sa maong duwa niadtong Domingo. Niya pa, "HUUUU!! ETO NA NGA!! Magbabalik sa mahal kong entablado, KITAKITS SA MARSO!" Ang Ateneo Blue Repertory maoy mogama niini ubos sa direksyon ni Missy Maramara. Ang Zsazsa Saturna unang nilugwa sa novel nga Ang Kagila-gilalas na Pakikipagsapalaran ni Zsazsa Zaturnnah" niadtong 2002 nga sinuwat ni Carlo Vergara. Gihimuan kinig duwa sa Tanghalang Pilipino niadtong 2005 ug ka siyam ka higayon kini gipasundayag niadtong tungora. Gimugnaan sab kini og pelikula nga gibituonan ni Zsa Zsa Padilla, kauban sila si Pops Fernandez ug Rustom Padilla.

Unbreak My Heart

Mag-reunion sila si Richard Yap ug Asian Academy Creative Awards Best Actress Jodi Sta. Maria pinaagi sa usa ka teleserye diin maghiusa og pwersa sa labing unang higayon ang GMA7 ug ABS-CBN. Mag-ulohan og "Unbreak My Heart", malakip sab niining maong serye sila si Joshua Garcia ug Gabbi Garcia. Kahinumduman nga unang nihumot og maayo ang ngalan nila ni Yap ug Sta. Maria sa ABS-CBN romantic-comedy series Be Careful With My Heart.

World-class, Dolly

Nidaug isip Best Supporting Actress sa 2022 Los Angeles Film Critics Association Awards si Dolly de Leon alang sa iyang performance sa international movie Triangle of Sadness. Ang abilidad sa pag-arte ni De Leon, masaksihan na sa dili madugay pinaagi sa ABS-CBN series Dirty Linen kauban sila si Zanjoe Marudo, Janine Gutierrez, Francine Diaz ug Seth Fedelin.