PBBM nagbago na ang hitsura!

Kung nanonood kayo ng TV mula pa noon hanggang ngayon, makikita mo na malaki ang nabago sa hitsura ni President Bongbong Marcos.

Nung una kasi, ang cute-cute niya at mukhang batang-bata. Pero mula nang maging Presidente si Papa Bongbong parang tumanda at ang laki nang ipinagbago ng hitsura.

Talaga sigurong ang bigat ng trabaho ng isang Presidente at leader ka ng isang bansa.

Ang daming problema kaya’t ang dami ring dapat ayusin.

Ang hindi nawawala, iyon parang ang sweet-sweet nila ni First Lady Liza Marcos. Kahit saang okasyon, makita mo sila talagang parang ingat na ingat siya kay FL Liza, talagang sobra ang alalay niya sa kanyang misis.

Makikita mo na close ang family nila pati sa kanilang anak na si Cong.Sandro Marcos.

Sana nga ay maging magaan ang mga dapat gawin ni PBBM.

Sana nga ay magtagumpay siya na maayos mga problema ng ating bayan.

Sana nga maging mahusay ang takbo ng gobyerno natin.

Mukha naman workaholic ang ating Presidente, mukha naman ginagawa niya ang lahat para sa ikabubuti ng bayan nating mahal.

At sa tulong ng mga tao niya tulad nila Martin Romualdez, Erwin Tulfo, Usec Honey Rose Mercado at marami pang iba, dapat gumaan ang anumang bagay dahil mahusay magtrabaho at dedicated ang mga tao na nasa paligid niya.

Basta kahit ano pa, dapat lahat tayo ay naka -suporta sa ating leader para lalo pang tumibay ang ating bayan.

Bong, 1 million subscribers ang wish

Bongga talaga si Bong Revilla.

Media influencer na rin siya kumbaga.

Sinulat nga ni Salve na natanggap na ni Bong ang YouTube Silver Play Button dahil sa dami ng subscribers sa kanyang YouTube channel.

Meron na raw siya ngayon na 264K plus na ang subscribers at patuloy pang dumarami.

“Taus-puso ang pasasalamat ko sa lahat ng subscribers na nakatutok palagi sa akin... maraming salamat sa inyong lahat,” chika ni Bong na nang kausapin ko kahapon ay nasa Quezon para mamigay pa rin ng mga ayuda.

At ang misyon niya ngayon, magkaroon ng 1 million subscribers para makamit ang YouTube Gold Play Button!

Bongga siya. Sana nga ay marami pang mag-subscribe sa kanyang YouTube channel na tiyak makatuturan ang mga content.