Matet de Leon inaming hirap na hirap ang buhay nilang magkakapatid, naloka sa ginawa ng inang si nora aunor
Literal na naloka si Matet de Leon sa ginawa ng inang si Nora Aunor.
Super ang hanash ni Matet sa kanyang Instagram story. Hindi niya matanggap na ang mismong ina niya ang kakalaban sa kanyang negosyong gourmet tuyo.
“Would you do this to your children? HONOR THY FATHER AND MOTHER. HOW? how can I do that now? Ay, AMPON PALA AKO,” simula ni Matet.
“Nung isang gabi, sinabihan ako na na mag-resell na lang ng products ng nanay ko. Pinaghihirapan namin ang pagtitinda. Bakit all of a sudden, nagulat na lang ako, naglabas ang nanay ko ng direktang kumpitensya ng produkto ko,” ang bahagi pa ng post ni Matet bukod pa sa kanyang IG stories.
Ang tinutukoy niya ay ang products nila sa Casita Estrada. “Alam niyang may produkto akong ganyan.. Marami naman daw akong taping. Ano sa tingin n’yo gagawin ko ngayon? Ano magandang gawin? Kung may anak kayo, GAGAWIN NIYO BA SA MGA ANAK NIYO TO?”
Sa kanyang post ay makikita ang bote ng Ate Guy’s Gourmet Tinapa and Gourmet Tuyo na bagong negosyo ng inang Superstar.
Pikon din si Matet sa Noranians na kung makapagsalita sa kanila ay ganun na lang kahit wala naman daw silang ginagawa. Aniya, ‘nood na lang ng TV habang binabanatan ng Noranians sa social media.’
Actually ang punto ni Matet, itinago sa kanila ang nasabing plano ng ina samantalang alam naman daw nito na ganun ang negosyo niya.
Katwiran pa ni Matet wala na nga siyang shows kaya nagtitinda na lang siya pero kinalaban pa.
Sinabi rin ni Matet na baka nagalit ang nanay niya dahil nanghihiram siya rito, pero hindi naman daw siya pinahiram.
Pero hindi raw siya nagalit doon, kundi sa katotohanang inilihim sa kanya ang bubuksan nitong negosyo na direct competitor ng kanyang tinitindang mga gourmet tuyo.
Sa ending ng IG stories ni Matet ay sinabi nitong : “Mahirap, sinasabi ko sa inyo, lahat kaming magkakapatid, hirap na hirap ang buhay namin.”
Kakalungkot naman na may ganitong kuwento sa kanilang pamilya.
- Latest
