“Sincerely, M"

CEBU, Philippines — Gilusad ni Mikee Quintos ang iyang YouTube Channel nga  “Sincerely, M"  aron mapaambit niya ngadto sa iyang fans ang kasikas sa iyang kinabuhi.

“In this way, I hope to spread happiness, motivation, and positivity to all of you dreamers out there… just like me," suma pa sa Kapusp actress.

Giawhag niya ang iyang fans nga mo- subscribe sa iyang channel  pinaagi sa iyang mensahe  nga “See you soon, Sweetie!”.

Dili na matago ang lalom nga pagtinagdanay nila ni Julie Anne San Jose ug Rayver Cruz ug nilangkat kini og lapad  nga atensyon sa ilang fans. Nabatyagan ang hugyaw nga chemistry sa duha sa dihang nilugwa sila kaniadto sa  Studio 7, The Clash, ug All-Out Sundays.

Ni-click usab ang mga kolaborasyon nila sa  TikTok.

Sa pagtikang nila dinhi sa Sugbo, gibutyag nila ni Julie Anne ug Rayver nga wala nila damha ang mainitong pagdawat sa katawhan sa ilang tandem.

Tungod sa maong kalamboan,  nahuna-hunaan sa GMA Synergy nga patungtongon ang duha sa concert stage.

Gikatakdang mag-concert sila si Julie Anne ug Rayver karong Nobyembre 26 sa Newport Performing Arts Theater. Ang maong konsyerto kay nag-ulohan og "JulieVerse"  kun diin ilang idalit ang hugyaw nila nga mga performance nga dili gyud makalimtan. "Pinaghandaan talaga namin ito ,kakaibang performance namin ang makikita ninyo dito, " suma pa ni Julie Anne.

Samtang si Rayver sa iyang bahin, espesyal kaayo niya ang maong proyekto ilabi na nga talagson kaayo ang dagan sa konsepto niini. “May  kilig special numbers kami , abangan ninyo," matud pa ni Rayver . Special guests  sa maong konsyerto mao ang  Sparkle artists nga sila si Kyline Alcantara ug Mavy Legaspi.  Ang JulieVerse kay ubos sa direksyon ni Paolo Valenciano Aktibo karon ang GMA Synergy sa pag-produce o mga proyekto nga maghatag og linahi nga  timpla. "This year, we at GMA Synergy continue to innovate and find ways to create new projects that our Kapuso can relate to. And this November 26, we proudly present another original concept via ‘JulieVerse’ which we offer to everyone – from JulieVer shippers to fans of great music and live concerts. Expect another world-class performance from two of GMA Network’s most-prized artists: Julie Anne San Jose and Rayver Cruz,” matud pa ni First Vice President and Head  sa GMA Regional TV and Synergy ug Acting Head sa  GMA Integrated News nga si Oliver Victor Amoroso.

SB19 mobalik sa Amerika

Human nagmalampuson ang konsyerto nila sa Amerika, gisaad sa grupong  SB19 nga mobalik sa maong dapit.

Mapasalamaton ang maong grupo sa tanang nisuporta sa ilang konsyerto ug natandog gyud sila sa mainitong paghangop niini ngadto kanila.

Kahinumdoman nga gidumogan sa bagang dout sa katawhan ang konsyerto nila sa Amerika ug nakadawat usab og mga pagdayeg ang ilang mga performance. - Sanden J. Anadia

Harry ug Olivia nagbuwag

Human sa duha ka tuig nga panaghigugmaay, gikatahong giputol na nila ni  Harry Styles ug Olivia Wilde ang ilang relasyon. Suma pa sa usa ka tinubdan, adunay lain-laing prayoridad ang duha. Tungod sa maong sitwasyon, wala gyud namintinar ang lig-ong koneksyon sa ilang kasing-kasing kaniadto. Gikasubo og maayo sa ilang fans ang maong balita.

Kylie naninoud sa pag-arte

Aminado si Kylie Verzosa  nga dili pud lalim ang iyang naagian kaniadto  sa dihang hingpit siya nga nisulod  sa kalibotan sa pag-arte ilabi na nga nailhan siya kaniadto sa kadaghanan  isip beauty queen.

Todo ang iyang pag-adjust sa maong butang  ug dako ang iyang pasalamat sa iyang mga nakatrabaho gumikan kay nagbunga gyud og maayong  resulta ang pagsulod niya sa showbiz.

Kahi-numdoman nga si Kylie ang napili nga  best actress sa  2022 Distinctive International Arab Festivals Awards (DIAFA) alang sa maayo niya nga perfor-mance sa  Pinoy adaptation sa The Housemaid, nga gi-produce sa  Viva Films ug ubos sa  direksiyon ni Roman Perez Jr.

Isip beauty queen, naningkamot gyud siya nga makasagop dayon sa laing industriya nga iyang gisudlan.

Personal nga gidawat ni Kylie ang iyang tropeyo atol sa awarding ceremony nga gihimo sa  Dubai, United Arab Emirates.

“Six years ago when I won the international title for the Philippines, it was such a joyous moment for me.Today, I feel like winning another crown, and this time, for Best Actress," tipik sa iyang acceptance speech.