'Yoko na pagod na ko': Sharon Cuneta trip na magretiro, susulpot-sulpot na lang
MANILA, Philippines — Pinag-iisipan na ni "Megastar" Sharon Cuneta na tumigil mula sa aktibong pagtratrabaho sa showbiz lalo na't napapagod na raw siya ngayong malapit nang maging senior citizen.
Ito ang ibinahagi ng beteranang singer-actress, Miyerkules, matapos magpaskil ng ilang sipi mula sa libro ni Joanna Gaines na "The Stories We Tell."
"This part really resonated with me because, well, I am 56 now - and I am just undeniably EXHAUSTED. Retirement is calling," sabi niya kahapon.
"Once in a while I can pop up in a movie or two, a concert, or a TV show, even a season or a series if it’s not too tiring. But I AM tired."
Nasa 12-anyos pa lang si Ate Shawi nang magsimula sa industriya, matapos niyang mag-record ng unang single para sa Vicor Music Corp. noong Enero 1978. Ang kanta niyang "Tawag ng Pag-ibig" ay prinodus ng tiyuhin niyang si Sen. Tito Sotto.
Pagsapit ng dekada '80, umarte na siya sa una niyang pelikula. Noong 2021 ay nakuha pa niyang mag-star sa pelikulang "Revirginized" ng kontrobersyal na direktor na si Darryl Yap, kung saan nagpakita siya ng ilang daring na eksena.
"All I wish I could do is be with my family and take care of them. And do all those other things I always wish I could do but just couldn’t find the time for," dagdag pa niya.
"Please pray with me. Thank you so much and I love you all."
Ngayong taon lang ay naging busy si Ate Shawie na samahan ang kanyang mister na si dating Sen. Francis "Kiko" Pangilinan, na noo'y nangangampanya sa pagkabise presidente habang katambal si dating Bise Presidente Leni Robredo.
- Latest
