Drag Race Ph runner-up Marina Summers, “divine” ang tunog
Papainitin ng internationally-renowned Filipina drag artist at Drag Race Philippines first runner-up na si Marina Summers ang buwan ng Nobyembre sa kanyang debut single sa ilalim ng Tarsier Records na pinamagatang Divine.
Ipinagdiriwang ng awitin ang queer community habang ipinagmamalaki nito ang individuality ng bawat isa. Tampok sa Divine ang iba’t ibang heavenly references at ang tema nitong summer.
Umabot na agad sa 23,000 views ang music video ng Divine sa YouTube habang may mahigit 20,000 streams na ito sa Spotify sa loob lamang ng tatlong araw.
Napahanga rin ni Marina ang Drag Race US superstar na si Alaska Thunderf*ck matapos siyang batiin nito sa pagkalabas ng kanyang single.
Nagpakitang gilas naman agad si Marina sa kanyang unang live performance ng Divine sa Divine Official Launch Party na naganap sa Empty Stomach, Bonifacio Global City (BGC) noong Linggo (Nobyembre 6).
- Latest
