Piolo, tinutukan ang konsepto ng bagong resort nila ni Kathryn
Kamakailan ay pormal nang binuksan sa publiko ang Isla Amara Boutique Resort na pag-aari nina Piolo Pascual at Kathryn Bernardo.
Magkasosyo ang dalawa sa bagong negosyong nasa El Nido, Palawan. Ayon kay Piolo ay nagsisilbing inspirasyon si Kathryn lalo na sa mga kabataan dahil sa mga ginagawa ng aktres. “It’s nice because she’s only in her 20s. the kind of businesses that she’s getting into are still conservative but in a way calculated risks. So you know, it’s admirable especially for her age. She’s not stopping,” nakangiting pahayag ni Piolo.
Matagal nang pinapangarap ng Ultimate Heartthrob na makapagpundar ng isang hotel o resort. Masayang-masaya si Piolo dahil naisakatuparan na niya ang matagal nang minimithi. “It’s a brave thing to do. I had to save up a couple of years just to be able to do something like this. It has always been my dream to have a nice building, a hotel building and a resort,” pagtatapat niya.
Tinutukan ni Piolo ang pagpapagawa ng naturang resort. Kapag walang trabaho ay pumupunta ang aktor sa Palawan upang mabantayan ang ipinapagawang property. Tumulong din si Piolo sa konsepto ng kanilang bagong negosyo ni Kathryn. “We have a tropical feel by the pool. But we still want to make it kind of Filipino so we wrapped it around with twigs to subdue. Then you know, just the accents outside and fill it with plants, para forest. It is very diverse, the pool is nice. We have the kiddie pool and 50 meters ‘yung beach. So even families and barkadas can enjoy it. We have the restaurant so it can cater to any demographic,” pagdedetalye ng aktor.
Sam at Catriona, napag-uusapan na ang kasal
Mahigit dalawang taon nang magkasintahan sina Sam Milby at Catriona Gray. Ayon sa aktor ay napag-uusapan na rin nila ng Miss Universe 2018 ang tungkol sa kasal. “She’s still young, but yes, napag-uusapan na namin. It’s a stage that I’m excited and looking forward to. Abangan n’yo kapag dumating na ang stage na ‘yan. Siyempre, hintayin n’yo lang, masu-surprise din kayo,” nakangiting bungad ni Sam.
Tatlumpu’t walong taong gulang na ngayon ang binata. Nakikita umano ni Sam na talagang si Catriona ang kanyang mapapangasawa. “I wouldn’t be with Cat if I don’t think she’s the one. At my age also, why would I be wanting to stay and stick around if I don’t feel that we have a future. I’m really looking for my life partner obviously. I really hope that she is,” giit ng aktor.
Para kay Sam ay hindi naman dapat nagmamadali sa pagpapakasal kahit nasa tamang edad na siya. “I’m not getting any younger, siyempre. I’m turning 39 next year and I’m at a point in my life where I don’t want to put a time frame on myself. A lot of people are asking me that because karamihan ng mga kaibigan ko, they’re married, they have kids,” pagtatapos ng binata. (Reports from JCC)
- Latest
