Annabelle, ayaw umeksena sa show ni Richard!
Ang grand media launch kahapon ng Kapamilya series na The Iron Heart na pinagbibidahan ni Richard Gutierrez at magpa-pilot telecast sa TV5, A2Z, Kapamilya Channel, Jeepney TV, iWantTFC, TFC (The Filipino Channel), ABS-CBN Entertainment YouTube channel at iba pang platforms ng Kapamilya Network.
Kachikahan ko ang nanay ni Richard na si Annabelle Rama kahapon ng tanghali. Tinanong ko siya kung pupunta ba siya sa presscon? “Hindi. Ayoko, nakakahiya. Kasi kapag nakita ako ng (entertainment) press, iinterbyuhin na naman ako. Ayokong sumali. Show nina Richard ‘yan, sila na lang ang interbyuhin,” sey niya.
By the time na binabasa ninyo ito, alam n’yo na kung talagang hindi nga ba nagpunta si Bisaya. “Sa presscon sa Cebu ako pupunta. May presscon kasi sa Cebu ang The Iron Heart on Nov. 12. Sabay na ako kay Richard na pupunta ng Cebu at diretso na sila sa thiurd cycle ng location taping nila roon. Siguro dadalaw rin ako sa taping nila,” sey ni Bisaya.
Siyempre, Ateng Salve, nakikita ni Bisaya ang mga isinusulat at ipino-post n’yo ni Manay Lolit Solis at nata-touch siya.
In fairness, maganda naman kasi ang teasers ng bagong Kapamilya action-drama series ni Richard at mismong si Manay Lolit na ang nagsabing bagay na bagay ‘yon kay Richard.
So bongga!
SB19 nag-guest sa good day New York; Lovi papanoorin ng jowa
Nag-fly sa Las Vegas, Nevada mula sa Los Angeles, California noong Friday si Montgomery Blencowe para panoorin sa ASAP Natin ‘To Las Vegas ang girlfriend na si Lovi Poe.
In fairness, super supportive si Mont sa showbiz career ni Lovi, huh!
As you read this, kasalukuyang nagaganap ang ASAP Natin ‘To Las Vegas sa Orleans Arena.
Samantala, very proud naman si Ms. Anna Puno ng Stamedia Entertainment, Inc. dahil nag-guest ang grupong SB19 sa Good Day New York ng Fox 5.
Ang bongga, ‘di ba, Ateng Salve?
Nasa New York City ang SB19 para sa kanilang WYAT (Where You At) show sa Palladium Times Square (na kasalukuyang nagaganap na). At mula roon pupunta sila sa LA.
Hindi ako magtataka kung makapag-guest din sila sa ibang US shows habang nasa LA.
‘Yun na!
- Latest
