"Himala" sa Netflix

CEBU, Philippines — Makita na sa Netflix ang  digitally restored  version sa award-winning film nga  "Himala"  nga puwerting sikata niadtong 1982. Si Ishmael Bernal  ang direktor niini ug sinuwat kini ni Ricky Lee. Mao kini ang usa sa mga pelikula nga gibidahan ni Nora Aunor kinsa nidala sa karakter ni Elsa.

Ang maong mga pelikula nakadawat og daghang pasidungog ug mao kini ang labing una nga  Filipino film nga nahimong kabahin sa   Berlin International Film Festival.

Baby Dylan gipublikar na!

Sa labing unang higayon ,   gipublikar na nila ni  Jennylyn Mercado ug  Dennis Trillo ang ilang anak nga si  Dylan nga gihimugso unom ka buwan na ang nilabay. Gipaagi kini sa ilang  family  picture kun diin nagsul-ob sila og Halloween costumes.

Una kini nga gi-postsa Instagram  account ni Dennis .

 "Happy Chocolatey Halloween!," caption pa ni Dennis sa maong hulagway.

Wedding Anniversary gift

Molarga karong adlawa  ang magtiayong Derek Ramsay ug Ellen Adarna paingon sa Peru ug Bolivia aron didto saulogon ang ilang  first wedding anniversary . Ang ilang paglarga sa laing nasud kay  anniversary gift ni Ellen ngadto kang  Derek.

Una na nga gipasidan-an ni Ellen si Derek nga ibakante gyud ang petsang Nobyembre 4 hangtud sa Nobyembre 20.

Kahinumdoman nga gikasal ang duha niadtong Nobyembre  11, 2021 didto sa  Bagac, Bataan.

Barbie patagamon ni Debbie

Gitinoud  gyud  sa Vivamax star nga si Debbie Garcia ang pagpasaka og kaso batok sa  aktres nga si Barbie Imperial.

Nidangop si  Debbie niadtong Miyerkules  sa  Quezon City Prosecutor’s Office.Kahinumdoman nga nagkaabot ang dalan nila ni Debbie ug Barbie niadtong Oktubre 28, 2022 sa usa ka bar sa Timog Avenue sa Quezon City ug gikatahong nagtinubagay ang duha.

Nireklamo si Debbie nga gidapatan siya ni Barbie.

Ang mga kaso nga gipasaka batok kang Barbie kay  physical injuries ,  oral defamation ug grave slander.

Samtang niisyu og statement ang  Viva Artists Agency (VAA) kalabot sa maong isyu. Gisuportahan sa  Viva ang  legal nga aksyon ni Debbie batok kang Barbie.

“VAA believes that Debbie has been at the receiving end of physical and verbal attacks in the said incident,” nagkanayon ang Viva.

Nihangyo usab ang maong talent agency ngadto sa katawhan nga hunongon na ang pagpakatap sa video nga kuha sa maong insidente.

“VAA however kindly asks the public to refrain from further circulating copies of the video recording of the said incident on social media and allow the matter to be resolved legally,” dugang pa sa Viva.

Sa pagsuwat niining balitaa, wala pa mohatag og pamahayag ang kampo ni Barbie kalabot sa maong isyu. Wala pa gyud naklaro ang rason sa panagbikil sa duha ka kampo ,apan duna na'y intriga  kaniadto  nga na-link si Debbie sa ex-boyfriend ni Barbie nga si Diego Loyzaga.

Jodi ug Raymart nagbuwag?

Gisumsoman karon sa mga chismosa ang hungihong  nga matud pa nagbuwag na sila si Jodi Sta. Maria ug Raymart Santiago.

Suma pa sa nikatap nga taho nga taod-taod na nga walay komunikasyon ang duha.

Giingong walay  third party nga nalambigit sa maong breakup .

Duna pu'y nangintriga sa mga Instagram post ni Jodi nga giingong nipasumbingay sa sitwasyon nila ni Raymart.

Ang maong mensahe kay naghisgot sa paghuwat sa saktong panahon. —Sanden J. Anadia

Bashers gigathan ni Elha

Wala kaantos si  Elha Nympha ug gitubag gyud niya ang iyang bashers nga nipabuhagay og mga negatibong komento batok sa iyang song cover sa  “Wonderful Tonight”.

“Sa mga nagsasabing mas maganda yung… or ang pangit ng cover na to edi sana pina billboard niyo gawa kayo ng sariling niyo cover na mag sasatisfy ng expectations niyo di ko kayo need i please,” nagkanayon si Elha.

Gitataw sa singer nga gibuhat niya ang song cover alang sa iyang fans .

 “I’m doing may own thing and wala akong pake sa inyo except for my TRUE FANS,"dugang pa niya.