Nominado sa Asia Pacific Screen Awards

CEBU, Philippines — Nominado sa pipila ka kategoriya sa 15th Asia Pacific Screen Awards (APSA) ang pelikulang "When The Waves Are Gone"  ingon man usab ang mga personalidad nga naglangkob niini nga sila si Lav Diaz ug John Lloyd Cruz.

Ang "When The Waves Are Gone " (Kapag Wala Na Ang Mga Alon) kay nominado alang award nga  Best Film. Si  Lav kay nalakip sa listahan sa mga nominado sa Best Director, samtang  si John Lloyd  kay motigi alang sa  Best Performance.

Ang mga mananaog kay i-anunsyo karong Nobyembre 11 didto sa Home of the Arts sa Gold Coast, Australia.

Laing nominado nga gikan sa Pilipinas mao ang  “Delikado” alang sa Best Documentary Film. 

Jackelaine todo pangandam sa Aliwan

Todo pangandam na ang usa sa mga representante sa Cebu City alang sa Aliwan Fiesta Digital Queen 2022 nga si Jackelaine Adarayan Fleming.

Dakong garbo alang kang Jackelaine nga mahimong kabahin sa maong indigay gumikan kay ma-highlight usab ang iyang adbokasiya.

Nasayran nga sa pagsalmot niya sa Aliwan Fiesta Digital Queen 2022, dunay siyay gipili nga   institusyon  nga iyang tabangan  ug kini mao ang Little Lamb Missionaries of the Poor diha sa Sawang Calero.

Matud pa ni Jackelaine nga doul gyud sa  iyang kasingkasing ang mga bata ilabi na kadtong nanginahanglan og pag-atiman.

  Ang laing representante  sa  Cebu City alang sa maong indigay mao si Nadine Faith McCoy. Ang Aliwan Fiesta Digital Queen kay giumol sa Manila Broadcasting Co. (MBC) .

Matteo migradwar sa VIPPC

 Nigradwar na si Matteo Guidicelli sa  gisudlan niya nga  Very Important Person Protection Course (VIPPC).  Siya ang labing una nga  celebrity nga nakahuman sa maong kurso.  Suma pa sa  Presidential Security Group (PSG),  ang VIPPC  kay usa ka "highly-specialized professional service"  nga kurso  nga gitanyag alang sa  PSG troopers nga maghatag og proteksyon   sa presidente ug pamilya niini, ingon man usab sa mga mobisita nga mga lider sa laing nasud.

“Thank you to my family and friends. It was an honor to train with the nest from the PSG,” tipik sa iyang Instagram post. Gihimo ang seremonya sa  PSG Grandstand sa  Malacañang Park ug nitambong ang asawa ni Matteo nga si Sarah Geronimo.

Nakadawat usab si  Matteo og Certificate of Merit isip Sharpshooter NR 3. 

Dili pahisgotan ni Tom

Gihangyo ni  Tom Rodriguez ang pipila niya ka followers sa  Instagram nga dili hisgotan ang iyang  ex-wife nga si Carla Abellana  sa comment section sa iyang mga post sa Instagram.

Sa nangagi nga mga adlaw , kun duna gani siya'y i-post kalabot sa iyang gipangbuhat , duna gyu'y netizens nga mohirit sa paghisgot kang Carla.

 “‘Wag na po natin ibanggit ang name dito sa page ko. Thank you. We are no longer together and are moving onto own paths,” saad niya," matud pa niya .

Sold-out dayon

Dali ra kaayo na sold-out ang mga gipamaligya nga bag ni Kim Chiu.  Kasagaran sa items nga iyang gibaligya kay nagkantidad og P5,000 pataas . Mamaligya og balik si Kim sunod buwan alang sa laing hugna sa iyang mga produkto .

Gikahinaman  sa moviegoers

Giatngan og maayo  ang pelikulang Moneyslapper nila ni John Lloyd Cruz ug Jasmine Curtis-Smith.  Una na nga gibutyag ni Jasmine nga dili basta -basta ang ilang mga eksena sa maong pelikula.

Emosyonal sa screening

Dakong garbo alang kang  Arjo Atayde nga nalakip  ang Cattleya Killer sa MIPCOM Cannes screening  sa miaging adlaw.Kauban sa aktor sa pagtikang sa France mao ang iyang ginikanan nga sila si Sylvia Sanchez ug Art Atayde, ug ang igsoun niya nga si Ria Atayde. Nitulo gyud og luha ni Arjo pagkahuman sa special screening gumikan sa iyang ka-proud sa maong proyekto.

Zeinab nag-sorry sa iyang gipanglibak

Nangayo na og pasaylo si Zeinab Harake ngadto sa  celebrity content creators nga nadamay sa away nila ni Wilbert Tolentino. Kahinumdan nga gi-expose ni Wilbert ang mga dili maayong pulong nga gibuhian ni Zeinab batok sa ubang vloggers  ug artista .

Pipila sa gilibak ni Zeinab mao sila si  Donnalyn Bartolome, Toni Fowler, Sanya Lopez, Jelai Andres, Ivana Alawi, Alex Gonzaga, Whamos ,Robi Dominggo ug uban pa . “Gusto ko lang po sana humingi ng paumanhin sa lahat ng taong napagsalitaan ko ng hindi maganda at sa mga kaibigan kong nadamay sa issue na aking kinasangkutan," matud pa ni Zeinab. Aminado si Zeinab nga duna siyay sala nga nabuhat ug andam siya nga itul-id ang maong binuhatan.

“Ate Jelai Andres, Ate Alex, Ate Donna, Ivana, Robi, Sanya, Whamos, Toni, Toro Fam, Makagago, Inuts and Sachzna. Hindi po ako magbibigay ng kahit na anong excuse, ang mga nabasa nyo po ay mga salitang nabitawan ko ng hindi ko napag isipan, tao lang din po ako katulad nyo. Ang ugali kong ito ay hindi tama at dapat kong baguhin. I’m really sorry," suma pa niya . Nangayo pud siya og pasaylo sa iyang fans nga nadismaya sa iyang gibuhat.

“Humihingi rin po ako ng tawad sa lahat ng zebbies ko na sobrang nadismaya sa akin. Tao lang din po ako at hindi perpekto. Nawa’y magkaroon po ng kapatawaran ang pagkakamali kong ito and I will try my best upang magbago, again galing sa puso ko I’m so sorry.I will move on and move forward from this dark chapter of my life. I will become better. Maraming salamat po. ,” panapos ni Zeinab.