Pinoy actor na sumikat sa Indonesia, magkukuwento sa #MPK
![Pinoy actor na sumikat sa Indonesia, magkukuwento sa #MPK](https://media.philstar.com/photos/2022/10/14/leo_2022-10-14_22-21-20.jpg)
Inspiring na rags-to-riches story ang mapapanood ngayong gabi sa bagong episode ng real life drama anthology na Magpakailanman (#MPK).
Ito ay ang buhay ni Leo Consul, isang Pinoy na pinalad maging sikat na artista sa Indonesia.
Bata pa lang si Leo, pangarap na niyang iangat ang pamilya mula sa kahirapan. Kaya naman nag-aaral siyang mabuti at matututong magtrabaho nang maaga para sa pamilya.
Pero isang sikreto pala ang babago sa buhay ni Leo.
Ano kaya ito?
Bagama’t bukod dito, may mga iba pang pagdaraanan ni Leo bago makamit ang inaasam na tagumpay sa ibang bansa.
Tutukan ang kanyang kuwento na pinamagatang Small Boy, Big Dreams: The Leo Consul Story, Oct.15, 8:15 p.m. sa Magpakailanman o #MPK sa GMA kung saan gaganap si Bruce Roeland bilang si Leo, at Raphael Landicho bilang batang Leo, at sina Gary Estrada bilang Erning, Seth dela Cruz bilang Adonis, Angelica Ulip bilang Grace at si Ms. Lotlot de Leon bilang Mila na siyang mga bumubuo ng pamilya ni Leo.
Ito ay sa direksyon ni Jorron Lee Monroy.
- Latest