CEBU, Philippines — Gitakda na nga mamahimong mga ginikanan ang mga karakter nila ni Joross Gamboa ug Roxanne Guinoo sa pagbalik sa ilang sitcom nga Hoy Love You sa iWant TFC alang sa Season 3 niini sa September 30. Mabdos na ang karakter ni Roxanne nga si Marge, ug si Jules (Joross), buhaton ang tanan aron dili ma stress ang iyang asawa. Gawas sa ilang mga suliran sa pamilya, maghatag sab og labad sa ulo ang ilang mga kadugo nga mga atribida kaayo sa pagsabak ni Marge. Paambit sab ni Joross: “Ang nakakatuwa dito yung pagbubuntis ng asawa. So makaka-relate dito yung mga tatay na minsan sila yung naglilihi or pinaglilihian ng asawa. So masaya.” Courtesy of IG account: joross_gamboa
Wala nagkabalik
“Good friends”. Kana maoy paghulagway ni Jeric Gonzales kanilang duha ni Rabiya Mateo human nabalita nga nagbulag sila niadtong June 2022, human sa tulo ka bulan nga relasyon. Sa podcast ni Nelson Canlas nga Updated, niingon si Jeric nga wala man gyud sila nag-away ni Rabiya, dili bad break-up ang ilaha. Dili sab siya makaingon nga nagkabalik sila. “Ang hirap sabihin na nagkabalikan. Mas gusto lang muna namin sabihin na we're good friends and we support each other and we still have a good relationship as friends dito sa showbiz.”
Dili magpa-sexy
Pormal na nga gipaila si Bea Binene niadtong Biyernes sa hapon isip labing bag-ong contract star sa Viva Artist Agency. Pero, bisan pa man niini, niingon siya nga magpabilin gihapon siya sa Kapuso Network sanglit mao gyud kini ang iyang pamilya sulod sa 18 years. Giklaro sab ni Bea nga bisan og naa na siya sa Viva, dili pa siya andam nga magpasexy sa mga pelikula nga kasagarang gigama sa maong agency alang sab sa online streaming platform VivaMax. Niya pa, “Yun ang unang-una kong sinabi noong nag-meeting kami, sabi ko, 'Hindi ko po kaya yun [magpaseksi]. “Siguro sa Vivamax naman or yung ibang films ng Viva, hindi naman lahat sexy. Hindi naman lahat medyo daring. For sure, meron naman tayong magagawa na project. Pero yung mga pagpapaseksi, parang hindi ko pa po kaya.” Courtesy of IG account: beabinene
Professional kaayo
Nagpasalamat ang concert director nga karon movie director na nga si Paul Basinillo ngadto sa iyang mga artista sa VivaMax movie nga The Escort Wife nga sila si Janelle Tee, Ava Mendez ug Raymond Bagatsing gumikan sa ka professional sa mga nahisgutan. “Well sila ang nag-adjust sa akin and I am so happy naman sa results kasi it’s just a matter of directing them and tingnan lang naman kung ano ang kailangan ng mga artist kasi sobrang professional naman lahat.” Nagpasalamat sab siya sa mga higala niya sa industriya sama ni direk Yam Laranas ug sa mga writers sanglit gigiyahan siya sa iyaha nang pagsulod gyud sa movie directing. Sa mga concerts siya mas sinati. Ang unang pelikula nga iyang gigama mao ang dance movie nga Indak nga gibituonan nila ni Sam Concepcion ug Nadine Lustre.
Nakasab-an?
Gitawagan matud pa ni Vic del Rosario ang manager ni Dennis Padilla nga si June Rufino kabahin sa isyu nga subling nibuto tali sa actor ug sa anak niini nga si Julia Barretto. Kini suma pa ni Cristy Fermin sa iyang show nga Showbiz Now Na. Medyo natubag na ang pangutana sa netizens nganong gidelete ni Dennis ang mga post niya batok sa iyang anak. Matud ni Cristy: "Ang sabi, 'June, kausapin mo ang alaga mo. Ito na naman, meron na namang isyu sa kanila ni Julia. Lalalim na naman ng lalalim ito.' Ang ginawa ni Tita June eh kinausap si Dennis, natural, kasama na dun ang pagkastigo diba? Dahil si Julia ay nasa Viva rin.”
Dili biyaan ang ABS-CBN!
Bukas si Piolo Pascual nga makig-collab sa laing network sama sa GMA7. Buot matud pa niya nga makatabang sa industriya sanglit magpabilin siya showbiz. Apan iyang giklaro nga dili gyud niya biyaan ang ABS-CBN sanglit mao gyud kini iyang pamilya.
Daghang Grasya
Nag-awas ang kalipay karon ni Barbie Forteza sanglit happy ang iyang lovelife, nakauban niya iyang pamilya ilabi na nga nagbakasyon sa Pilipinas ang iyang igsuon nga atua na sa Amerika manimuyo, ug aduna pa gyuy dakong proyekto nga gisangon ang GMA Network kaniya. Kini mao ang Maria Clara at Ibarra kauban sila si Dennis Trillo, Julie Anne San Jose, Rocco Nacino, Juancho Trivino, Tirso Cruz III, Manilyn Reynes ug daghan pa. Sa October 3 na kini mulugwa isip hulil sa Lolong.
Jake ug Sean, palaban!
Maanindot matud pa kaayo pagkamugna ang intimate scenes nila ni Jake Cuenca ug Sean de Guzman sa pelikulang My Father, My Self nga ubos sa direksyon ni Joel Lamangan. Todo bigay si Jake sa mapangahason nga eksena. Si Sean, medyo nakiwawan gamay. Tsika niya ngadto sa PEP Troika:Siguro, ginampanan talaga namin nang maayos ang karakter namin kaya nakapasok kaming mabuti sa karakter namin. Kaya nagawa namin nang maayos. And… may konting ilang. Siyempre, first time naming magkatrabaho.Pero yun, ginawa naman namin nang maganda ang mga eksena.”
Ganahan Masirena
Caption ni Max Collins niining maong hulagway nga gi-upload niya sa Instagram kagahapon: Wish I could be part of that world." Tipik kana sa theme song sa sikat nga fantasy movie, Little Mermaid. Courtesy of IG account: maxcollinsofficial
"Summer is not over yet.
"Summer is not over yet. I guess." Maoy caption ni Sofia Andres niining iyang swimsuit photo nga gi-upload sa Instagram kagahapon.