Natuman ang pangandoy sa sugbuanon ug The Clash Season 3 grand champion Jessica Villarubin nga makakanta og mugna sa bangiitang composer nga si Vehnee Saturno.
Kini kay si Saturno ang nagsuwat sa iyang latest single ubos sa GMA Music nga giulohan og, “Ikaw Lang Ang Iibgin” nga gilusad na kagahapon. Alang matud pa kining maong kanta sa iyang mga higala nga inlove. Suma pa ni Jessica, nikuha sab siya og hugot sa iyang lovelife kaniadto sa iyang pag-record sa maong kanta.
"Before, na-try ko rin ma-in love so siguro ito yung naging hugot ko nung nag-record ako, yung mga past relationship ko. But dedicated ko rin ang song for LDR [long-distance relationship] couples na malayo sa isa’t isa. Na hindi hadlang yung distance when you love someone.
Tamang-tama itong kanta para sa inyo.”