Ronaldo, kilalang-kilala na Lolo Sir
Masayang-masaya si Ronaldo Valdez dahil napabilang sa 2 Good 2 Be True na pinagbibidahan nina Kathryn Bernardo at Daniel Padilla. Nakilala ang karakter ng beteranong aktor bilang si ‘Lolo Sir’ sa seryeng napapanood rin sa Netflix. “Almost everybody outside calls me Lolo Sir. It’s flattering, that means they’re involved with the show. They identify, it feels good,” bungad ni Ronaldo.
Para sa aktor ay talagang kakaibang karisma ang dulot ng tambalang KathNiel para sa mga manonood. Ipinagmamalaki rin ni Ronaldo ang magandang kwento ng kanilang serye. “It’s really a big help na ang ganda-ganda ng script nito, especially ‘yung mga lines. The scenes are easy to do kasi you feel the situation. Aside from the scenes na medyo malalim, may drama, at the same time meron ding mga cute, kilig moment with the two. Sina KathNiel, nakakakilig sila panoorin,” paglalahad niya.
Malaki ang pasasalamat ni Ronaldo dahil sa loob ng mahigit limang dekada ay aktibo pa rin sa show business. “Meron kang feeling of fulfillment na okay ‘yung ginagawa n’yo, ‘yung trabaho n’yo. It’s appreciated, masarap ang feeling. I feel so blessed because up to now I’m still active. I’m really thankful na I still get to do this job that I really love, I think for more than five decades. And I still get work with fantastic actors,” pagtatapos ng beteranong aktor.
Karina, itinanggi ang tampuhan nila ni Aljon
Simula Sept. 5 ay mapapanood na ang ang bagong season ng Bida Star.
Maraming mga pagbabago sa naturang online talent search ayon sa isa sa mga host nitong si Karina Bautista. “We started from hosting only on the Kumu platform and then ginawang YouTube, then ginawang Facebook. Now meron na talagang lahat and it’s on different platforms like Star Hunt, Star Magic and on TikTok na siya ngayon. Ngayon it’s called Bida Star Versus. Kasi ang theme ay girls versus boys. And nadagdagan ng sobrang daming challenges like acting, impersonation, hosting. So talagang macha-challenge ang ating mga auditionees,” pagdedetalye ni Karina.
Hindi na makakasama sa bagong season ng programa ang katambal ng aktres na Aljon Mendoza. Dahil dito ay napabalitang mayroon diumanong tampuhan sa pagitan ng KarJon. “Sadly, he will not be part due to his prior commitments. Ngayon ini-explore na ‘yung side na parang Korean dramas na pwedeng i-partner kung kanino man. We really don’t have any problems and I believe he’s happy with where he is. Nag-uusap pa rin naman kami. It’s just a matter of may iba talaga siya munang ginagawa,” paglilinaw ng dalaga.
(Reports from JCC)
- Latest
