CEBU, Philippines — Walay pagduhaduha si Jamila Obispo sa shower scene nila ni Felix Roco sa VivaMax original series Huwag Mong Agawin Ang Akin nga nagsugod na niadtong July 31. Nisugot si Jamila nga hikapon ni Felix ang iyang mga dughan samtang wala siyay sapot sa mao nilang mapangahas nga eksena. Apan matud pa sa mga kritiko, dili bastos tan-awon ang maong eksena sanglit maayo ang pag-arte nga gipakita sa duruha. Gipasalig sab sa director nga si McArthur Alejandre nga wala niya gipahubo lang ang iyang mga artista isip biga-biga, kundili gikinahanglan gyud kini sa istorya. Personal choice ni Alejandre si Jamila sanglit gigwapahan kaayo siya sa kanhi PBB housemate dihang iyang nakit-an sa usa ka pelikula. Tuod man wala pakyasa ni Jamila ang director gumikan kay wala gyud siya nagpalupig kang Angeli Khang sa mga sexy scenes sa maong original series.
Kay “Laos” Na
Gibutyag ni Herman “Isko” Salvador, o mas naila isip Brod Pete, pinaagi sa usa ka facebook post niadtong Miyerkoles nga moretiro na siya sa showbiz gumikan kay “laos” na siya. "Yes laos na po ako after 43 yrs sa shobiz as a writer and comedian. Im now retired. Nakakasawa din. But i am launching my singing career fyi - to pursue my true love — music!” Ang John en Marsha ug ang gag show nga Bubble Gang ang pipila sa mga showz ni Brod Pete kaniadto.
Haom si Nicole
“I think yung nanalo ng Binibining Pilipinas International fit siya do’n sa peg ng Miss International.” Kini sigon mismo ni 2016 Miss International Kylie Versoza atol sa presscon sa iyang umaabot nga pelikula, ‘Baby Boy, Baby Girl”, diin subli niyang makauban ang iyang higala nga si Marco Gumabao, ug ubos sa direksyon ni JP Laxamana para sa VivaMax. Niya pa, gwapa sab gyud ang mga nakadaog karong tuiga. . “And may iba din akong friend na tinuruan at nanalo and I’m very happy for them. Ang gaganda nila, ang gaganda ng mga queens ngayon.”
Maoy nag-I love you…
Giangkon ni Angeline Quinto sa vlog interview ni Luis Manzano nilang duha sa iyang partner nga si Nonrev Daquina nga siya maoy unang nag-I love you. Suma pa ni Angeline nagkaila sila pinaagi sa ilang common friends, apan wala matud pay plano nga pareson sila. Nagkasuod lamang gyud matud pa sila human sila nagkaila. “After noong out of town namin sa San Rafael, Bulacan, ayun yung una naming labas. So, after nun, nag-uwian na kami ng mga kaibigan ko. Tapos, nag-thank you siya [Nonrev] sa akin. 'Thank you,' ganyan-ganyan. Tapos, ako unang nag-'I love you' sa kanya sa message.” Nitubag sab matud pa si Nonrev og, “I love you too, Angge.” Apan wala pa nahusay ang tanan, gumikan kay supak ang iyang manager kang Nonrev. Nadawat na lamang matud pa sa iyang manager si Nonrev pag-abot na sa ilang anak nga si Slyvio. Gipakita sab gyud hinuon ni Nonrev nga gihigugma niini si Angeline.
Nahapsay na
Masaligon ang Cebuana beauty queen ug bag-ong Bb. Pilipinas International Nicole Borromeo nga dili magpasagad ang Binibining Pilipinas Charities Inc., sa mga hukom niini sa ingon dili mabutang sa risgo ang organisasyon.
May labot kini sa pagduda nga nagkabaylo ang titulo nila ni Nicole ug Bb. Pilipinas Intercontinental Gabrielle Basiano, gumikan usab sa kadugay sa pagpahibawo kinsa nga kandidata ang ipadala sa Miss International pageant sunod tuig. Nakuhaan sab og video ang mga host nga sila si Nicole Cordovez ug Catriona Gray nga medyo may diskusyon tali sa floor director sa maong pageant paghuman nila og pahibawo nga si Basiano ang ipadala ngadto sa Miss Intercontinental pageant. Dinhi nitumaw ang pagduda nga basin nasayop sila ug nagkabaylo ang mga titulo ni Basiano ug Nicole. Apan daan na nga niluwat og pamahayag ang mga host nga walay nasayop. Ang resulta nga ilang gibasa mao ang aprobado gyud sa official tabulator nga mao ang SGV.
Ug sa hingpit, namahayag na gyud sila si Nicole ug Basiano kabahin sa maong isyu pinaagi sa interview ni ABS-CBN reporter Mario Dumaual.
“Binibining Pilipinas naman kasi explained everything sa akin kanina, na parang nagkaroon lang ng something na hindi pagkakaunawaan, confusion lang,” pagbutyag ni Basiano ngadto kang Dumaual.
“So, I would like to tell everybody din, lalo na who’s part of the competition, na nagkaroon lang ng confusion.
“And yung mga titles po na iyon is si Nicole po talaga ang Miss International and I’m Miss Intercontinental." Samtang si Nicole niingon nga masaligon siya nga buhaton sa BPCI ang unsay husto gyud ug dili kini magpasagad.
Apan giangkon niya nga nakuyawan sab gyud siya dihang dugay gipahibawo ang mananaog sa Bb. Pilipinas International title.
“If you saw the video, you could see we’re smiling. I’m not gonna pretend that I wasn’t feeling the nerves, but I was really hoping for the best. And I’m really happy with how it turned out.” Sa nasayran, sunod tuig pa nga Miss International pageant mosangka si Nicole gumikan kay si Hannah Arnold pa, kinsa nidaog sa nilabay nga tuig, maoy makigtigi karong umaabot December 13, 2022 didto sa Japan.