Twenty years na ang Wish Ko Lang at ngayong Agosto ay may inihandang malalaking sorpresa ang programa ni Vicky Morales para sa loyal Kapuso viewers.
Maaaring abangan ang line-up ng mga anniversary episode na pagbibidahan nina Bianca Umali, Sid Lucero, Tessie Tomas, at Claudine Barretto.
Magiging bahagi rin sa 20th year celebration ng programa ang mga Kapuso singer na sina Hannah Precillas, Anthony Rosaldo, at Jessica Villarubin kasama pa si Ysabel Ortega.
Hindi rin mawawala ang pagbibigay-katuparan sa mga kahilingan ng avid supporters ng Wish Ko Lang.
Bawat Sabado nga, may chance ang viewers na manalo sa Instant Wish packages sa official Facebook page ng programa. Pwede na rin mapanood ang Wish Ko Lang sa livestream ng GMA Public Affairs social media accounts.
Naging bahagi na nga talaga ng buhay ng Pinoy ang panonood ng Wish Ko Lang.
Marami na ring pangarap ang natupad dahil sa programang ito.
Congratulations, Wish Ko Lang!