Nakakalungkot naman ang naririnig naming reaction nang lumabas ang teaser ng series na Darna na pinagbibidahan ng baguhang si Jane de Leon.
Mas mukhang star daw si Iza Calzado na nakasama sa teaser na ipinalabas, huh!
Eh sa report nang mag-mall show ang Darna kung saan nakasama ni Jane ang leading man niyang si Joshua Garcia, mas tinilian pa raw si Joshua kesa kay Jane, huh! Ang saklap naman!
Si direk Chito Roño ang naatasang magdirek ng mga unang episode ng Darna kaya impressive kahit magastos daw ito.
Huwag munang husgahan si Jane. Hintayin munang umere ang series bago magbigay ng opinyon kung pasado siya o hindi bilang latest Darna!
Protege talent, nag-audition sa EB
Nag-audition ang singer na si Denise Barbacena sa Bida Next segment ng Eat Bulaga.
Sa pagkakaalam namin, nagku-comedy rin si Denise sa Bubble Gang. Eh sa kasamaang palad, isa siya sa nakasama sa revamp ng GMA gag show.
Produkto ng talent search ng Kapuso network na Protege.
Eh dahil walang pinipili kung artista man o hindi ang mag-o-audtion, welcome si Denise sa Bida Next.
As of this writing, hindi pa inilalabas ang resulta sa winner ng Bida Next. Rason niya sa pagsali, “Lahat ng pinto, pinapasok ko po!”