‘Toga lang ang joke sa meme’: Rufa Mae Quinto ibinahaging honor student noon
MANILA, Philippines — Nag-react ang aktres at komedyanteng si Rufa Mae Quinto sa larawan niyang “edited” na nakasuot siya ng toga ng Ateneo De Manila University na nag-viral noon pang isang taon.
Marami ang napaniwala sa nag-viral na meme sa ilang satirical pages at accounts. Nauna itong naging meme sa Twitter noong 2021 dahil sa “famous lines” niya sa isa sa ginawa niyang pelikula noon.
"Ang policies ng capitalism ay napaka self-serving para sa first world country, kaya naman naapektuhan ang development ng third world country," nakalagay sa Twitter caption na sinabi ni Rufa Mae sa isang eksena.
Karugtong pa nito ang kanyang pangalan at academic distinction na Magna Cum Laude sa kursong Economics, bagay na obviously hindi totoo.
"Ang policies ng capitalism ay napaka self-serving para sa first world country, kaya naman naapektuhan ang development ng third world country."
— ???????????????????????????? ???????????????????? (@matttchupapi) January 3, 2021
-Rufa Mae, Magna Cum Laude, AB Economics pic.twitter.com/QmFxm80kTs
Sinabi ni Rufa Mae na ang toga lang ang fake sa larawan pero totoong achiever daw siya noon.
“Back to school na naman guysh. Yes! Cum laude daw. Katuwa naman. Go go gold medalist your honor like honor student. To be honest, itong toga lang po ang joke,” sabi ng aktres sa kanyang Instagram, Miyerkules.
Seryoso pala ang pagiging honor student ni Rufa noong high school. Sa katunayan, siya ang valedictorian ng kanilang klase sa St. Vincent School.
"Actually I’m an honor student in high school. Hinde po joke yun. Totoong First honor po ako sa St. Vincent school. Thanks school for giving me the medal. Go go gold! Todo na to!” dagdag niya.
Kilala si Rufa Mae Quinto sa mga nakakatawa niyang mga jokes at punchlines na bumebenta sa publiko. Iconic din ang kanyang boses na madalas ginagaya.
Unang umariba ang karera ng aktres noong 1996 ng mabigyan ito ng role sa “That’s Entertainment.”
Si Rufa Mae Quinto ay happily married at may isang anak na babae sa kanyang asawang si Trevor Magallanes. — Philstar.com intern John Vincent Pagaduan
- Latest
