Nagkagubot ang netizens nga nakakita sa gisul-ob ni Ylona Garcia sa iyang pag-attend of red carpet premiere didto sa Hollywood niining bag-o lang. Adunay mga niingon nga nindot og pamanit si Ylona, gwapa, sexy, apan wala gyud mohaom ang gisul-ob. Baduy pa sa tanang baduy. Apan may mga niingon sab nga mao nay uso karon sa Hollywood—sexy nga hapit na lamang maghubo aron maka kawat og atensyon ingon man maka kabig og mga lalaki nga fans. Atua na sa Los Angeles magbase karon si Ylona diin naningkamot siya nga mosikat isip singer. Kanhi siya housemate sa Pinoy Big Brother sa ABS-CBN.
Nindot(Chika), or Bati (Chaka)?
Hagbong tungod sa height
Dakong kaguol ang gibati sa tulo ka mga kandidata sa Miss Earth Philippines karong tuiga. Kini kay usa ka adlaw sa dili pa ipahibawo ang Top 20 candidates nga magtigi didto sa Palawan sa umaabot August 6, napapha sila gikan sa pageant. Ang rason mao nga wala diay nakaabot og 5’4 ang ilang gitas-on, nga maoy minimum height requirement sa pageant. Sila mao si Angela Okol sa Surigao, Cess Cruz sa Antipolo, ug Renee Sta. Teresa sa Batangas Ang nasakitan nila kay nakagasto na sila og salapi, kahago ug oras sa online activities sa maong pageant. Nagtuo matud pa sila nga wala nay height requirement o okay na ang tanan. Apan ang pageant organization nibarog nga dili mahimong wagtangon ang height requirement kay mao na gayud kana ang naandan sa 22 na ka tuig nga pageant. Dili sab matud pa makatarunganon sa ubang kandidata nga nakapasar sa requirement.
Bida og balik
Human sa dul-an duha ka dekada, subling magbida si Andrea del Rosario sa usa ka pelikula. Kini pinaagi sa May December January movie sa Viva Films nga ubos sa direksyon ni McArthur Alejandre ug sinuwat ni National Artist for Film and Broadcast Arts Ricky Lee. Kauban ni Andrea dinhi ang mga young stars nga sila si Gold Aceron ug Kych Minemoto. Istorya kini sa usa ka inahan nga nainlab og batan-on, apan wala na nipadayon sa iyang pagbati kay naibog sa iyang boyfriend ang iyang anak nga lalaki.
Matud ni Andrea ngadto sa PEP Cabinet Files, personal gyud siya nga gitawgan ni Viva boss Vic del Rosario aron itanyag ang maong proyekto ug gipaabot gyud siya nga mahuman niya ang taping sa GMA7 series nga I Love You Stranger. Dako ang pagtuo ni Andrea nga swerte para niya kining maong pelikula sanglit mao kini ang unang project ni Lee human napasidunggan isip national artist. Katapusan siyang nagbida sa launching movie niya niadtong 2003 nga mao ang Lupe: The Seaman’s Wife.