'Pawer, Kidlat!': Cong Velasquez, Viy Cortez official parents na
MANILA, Philippines — Isinilang na ng Youtuber-slash-businesswoman na si Viy Cortez ang unang baby nila ng tanyag ding vlogger na si Cong Velasquez ngayong Martes, Hulyo 5.
“Kayong dalawa ang mundo ko. salamat Lord salamat sa biyaya,” caption niya sa kanyang Facebook post kung saan makikita ang litrato ni Cong karga ang kanilang newborn baby.
Matagumpay na isinilang ni Viy si baby Zeus Emmanuel "Kidlat" Cortez Velasquez sa Asian Hospital and Medical Center. Ginawan na rin ng sariling Instagram account ng kanyang vlogger parents ang sanggol.
Hinala ng mga fans ng nakakatawang couple sa likod ng Youtube channel na Cong TV, pinangalanan ng couple ang baby ng "Emmanuel" bilang pag-alala sa yumaong Youtuber na si Emman Nimedez na siyang malapit na kaibigan ni Cong.
Nito lamang Lunes nang mag-post si Viy ng litrato tungkol sa kanyang pagbubuntis kung saan sinabi niyang oras na lang ang hinihintay bago magbago ang buhay nila ng kanyang nobyo.
Matatandaang Disyembre 2020 nang ibahagi ng couple ang journey nila matapos makaranas ng miscarriage sa kanilang unang baby.
— Philstar.com intern Vivienne Audrey Angeles
- Latest
