Annabelle, Ruffa at Jinkee, biktima rin ng pekeng advertisement
Magsusuplong sa NBI…
Nakakaloka ang isang healthy cereal product daw na obviously ay gawang abroad dahil sa panggagamit sa ilang mga celebrity sa kanilang website at social media accounts, huh!
Biktima ang mag-inang Annabelle Rama at Ruffa Gutierrez at Jinkee Pacquiao ng produktong ito na fake ang advertisement nila na pinalalabas na endorsers ang tatlong nabanggit na celebrity.
Naku, Ateng Salve, thanks to you dahil nabuking kaagad ni Tita Annabelle ang fake advertisement na ‘yon.
Kaharap ko nga ang nanay ni Ruffa nang i-forward sa akin ni Ateng Salve ang panggagamit sa kanila ng nasabing healthy cereal product.
Natural, nairita ang beauty ni Tita Annabelle, huh!
Maganda pa naman ang mood niya kahapon dahil nagbabasa siya ng mga komento ng madlang pipol kaugnay ng pagiging Sexy Authori-Team nila ng anak na si Raymond Gutierrez sa Sexy Babe segment ng It’s Showtime.
Ang picture nila na ginamit sa fake advertisement na ‘yon ay kuha nang dalawin nila si Jinkee sa bahay nito sa Forbes Park, Makati City.
Kaagad ngang tinawagan ni Tita Annabelle ang kanyang lawyer para i-consult ang tungkol sa bagay na ‘yon.
Sabi ni Tita Annabelle, balak nila ng kanyang legal counsel na pumunta sa NBI para magreklamo.
Wala pang reaksyon si Ruffa tungkol dito dahil busy siya sa shooting ng Maid in Malacañang ng Viva Films sa direksiyon ni direk Darryl Yap.
Si Jinkee naman, nasa Europe pa kasama ang mister na si former senator Manny Pacquiao at mga anak at ang alam namin ay sa Tuesday pa ang balik nila sa bansa.
Malamang, gagawa rin ng legal action si Jinkee sa panggagamit sa kanila ng nasabing healthy cereal product, huh!
Naku, Ateng Salve, marami na talaga mga celebrity ang ginagamit ng nasabing produkto kaya dapat lang na huwag silang tantanan!
Sabi nga ng isang kaibigan ni Ruffa, “Ang kapal!”
Karylle, kay Zsa Zsa nagsa-shopping
Kahapon sa backstage ng It’s Showtime, pinuri ko ang damit ni Karylle at nag-thank you naman siya agad. “Damit din ba ng mommy mo ‘yan?”
“Yes!,” sagot niya.
Aminado naman si Karylle na mga damit ng nanay niya ang madalas niyang isuot sa It’s Showtime.
Yes, kesa sa mag-mall daw siya at maubos ang oras niya, sa mga damit na lang ng nanay niyang si Zsa Zsa Padilla nagsa-”shopping’ si Karylle.
“Mas nakakapag-bonding pa kami ni Mommy!,” tsika pa ng isa sa mga host ng It’s Showtime.
‘Yun na!
- Latest
